我承認係一個不折不扣既甜品控，今次竟然遇上鮮花做型既蛋糕，仲可以自己親手製造~ 實在係難以抗拒呀!! FB : https://www.facebook.com/gluttonousmeow/ IG : https://www.instagram.com/gluttonousmeow/ 其實韓式裱花已經興起了一段時間，但能夠成為韓國政府認可裱花權威 Korea Cake Design Association (KCDA) 的香港第一分校就真係絕無僅有。而且韓式裱花導師 Darling Chu 更係香港第一位海外經理及協會認證的裱花導師及主考官，實力無庸置疑! 一進門不自覺被這角落吸引了! 歐陸式儲物櫃更是特別訂造，這實在太少女啦! 牆上放滿證書，每張都係努力得來既成果! 除了KCDA頒發認證的裱花導師及主考官外，更是 Korea Natural Design Association 蠟燭裱花導師，絕對係信心保證! 各大明星爭相合照,可見其蛋糕極受歡迎! 好靚好夢幻呀 !! 地方不算太大但總算五臟俱全 ; 且實施不多於4人小班教學，更容易照顧各同學進度！ 備有多款不同蛋糕製作用具提供，方便同學們隨時入貨 ! 這精美「水機」既可愛又貼心! 當日參加了「三天韓式奶油霜基礎證書班 buttercream」Day 2 課程，就算好似我零經驗的新手都可以參加架！每堂大概上６小時，完成課堂後可考取「Basic Level 2證書」及參加「Advanced 三天韓式奶油霜高階證書班 buttercream」及考取「Advanced Level 1證書」。 正式開始前當然要有齊裱花既工具，包括: 裱花袋、裱花托、裱花嘴、裱花剪刀、墊板、手套。 而最重要就係裱花用既奶油忌廉 ~ 原來當中都大有學問!! 導師 Darling 強調要選用韓國的白牛油方為之正宗! 因為韓國白牛油除了方便調出粉嫩鮮豔的顏色外，奶味較重而不會太甜，為一般女士所接受。另外，當白牛油混合適當比例的蛋白和糖水後，唧花型態相對挺身並較像真。 原來每款裱花所用的裱花嘴和步驟都不同，其角度和力度都好講究! 導師 Darling 即席示範基本裱花款式，手勢純熟的她不消半分鐘就變出一朵嬌豔的玫瑰花，真係眼界大開 !! 先將裱花嘴放平並唧出大概3圈厚度，再唧錐形於底部作承托之用。 然後再唧出一塊塊的玫瑰花瓣， 慢慢地轉動托板順勢以一圈圈地向外擴大概5-10度，營造出層次感。 導師 Darling 耐心親身督導，好讓我更易掌握角度和力度，非常貼心~真抵讚! 原來到自己真落手嘗試時，並非想像中容易，因為要多番練習才可初步掌握手勢和力度! 但我喜歡挑戰自己，失敗再嘗試.......失敗再嘗試......失敗再嘗試......仲要忍受旁人(攝影師) 既嘲笑 T_T !! 如導師Darling 建議，我呢個少許手殘新手花了大概個多小時練習，終於有件似樣既作品啦 ^^ 都呃得下人既...... 基礎證書班更有顏色調配技巧、立體花莖葉子技巧及專業拼花技術教授，可以學到更全面既技巧。 點擊圖片放大 +2 紫色康乃馨真係好美呀，如真花一樣!! 除了玫瑰花及康乃馨，導師Darling更教授以下裱花 : 雛菊 山茶花 藍盆花 Cupcake 學習了各款裱花技巧後，係時候要將它們拼到蛋糕上喇，心情不禁有點興奮!! 首先將奶油忌廉唧於紙杯蛋糕中心，再將完成裱花一朵朵放上紙杯蛋糕，並加奶油忌廉以穩固位置。 於蛋糕及裱花隙縫的中間唧上綠色葉子作點綴。 終於都大功告成喇，真係好精緻呀 !! 完成後當然係影相時間啦....... 真係唔捨得食啊!! 完成作品可以用紙盒拿走，同摯愛一同分享 !! 學生們的作品都美美的，可媲美藝術作品 !! 導師 Darling 笑言同學們最花時間就係拍照留念一環，耐心打造美輪美奐的賣相確實值得花時間去保存 ! 「相機食先」果然係王道 !! 課程詳情可以參考 --> Sugarplum Patisserie Sugarplum Patisserie 地址：旺角窩打老道55號匯達中心9b (地圖) _____________________________________________________________________________ 出席活動或邀稿合作信箱 : gluttonouscat@yahoo.com 【Facebook】為食貓呼嚕嘆世界 【Instagram】為食貓呼嚕嘆世界 【BE Blog】為食貓呼嚕嘆世界 _____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
