平時食雙層芝士漢堡都已經有滿滿罪惡感，今次換上三重芝士...... FB : https://www.facebook.com/gluttonousmeow/ IG : https://www.instagram.com/gluttonousmeow/ 餐廳裝潢簡約，黑白色格調時尚。大概有20個坐位，繁忙時間記得要早點來呀! 其中一角用了不同黑白色物件組成一道既有回憶 (錄影帶呀!!)又有趣的主題牆! 主要售賣漢堡、意粉及小食。值得一提漢堡款式頗多且較有特色! 美式三重芝士手打牛肉漢堡 $88 強烈建議另加 $15 配沙律及汽水，新鮮麻醬沙律絕對有助減低罪惡感（自我感覺良好）! 三重芝士包括馬蘇里拉芝士、帕爾馬芝士及車打芝士，份量十足。芝士好似瀑布股瀉出，黏著盒邊。 嘩!!! 終於露出邪惡真面啦~ 我個手打牛肉呢 ?!? 清楚見到三重芝士既厲害，超厚層!! 雖然頗膩，但芝士味濃烈，芝士控必試!! 而手打牛肉漢堡扒食落肉汁豐富而且油脂味道好香! 厚切薯條炸得香脆，味道不會過咸，好味! 雙式芝士焗薯條 $38 芝士薯條從來都係「飛佛」，配埋兩款馬蘇里拉芝士及車打芝士，非常惹味! 而且芝士份量超多，食到尾仲依然有芝士包住鬆脆薯條! 值得推介!! 黑松露忌廉珍珠帶子意大利粉$58 帶子新鮮彈牙，唯味道偏淡。 TiffanyBlue 爆芝流心雞排漢堡套餐 $88 餐廳另一推介，粉藍色的漢堡賣相真的超吸睛！相信女生見到都為之著迷～ 漢堡雖是藍色但成份非常天然，並不含任何添加色素。藍色漢堡是由蝶荳花再加上3小時低溫烘焙才製成，絕對是心機之作！ 漢堡裡面夾著炸雞塊，驚喜的是那芝士竟從雞塊內流出來......雞塊炸得鬆脆，不過會有機會刮到上顎，要小心食吖! 若以味道來說，我較喜歡「美式三重芝士手打牛肉漢堡」，可能係芝士控既因由吧! 「我都想試呀......」 Burger Jobs 地址：荃灣荃興徑2-8號昌泰大廈7A地舖 (地圖) _____________________________________________________________________________ 出席活動或邀稿合作信箱 : gluttonouscat@yahoo.com 【Facebook】為食貓呼嚕嘆世界 【Instagram】為食貓呼嚕嘆世界 【BE Blog】為食貓呼嚕嘆世界 _____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
