慶祝德國傳統節日既活動真係一浪接一浪，早排參加「黃金海岸美食啤酒節」派對，全晚賓客(包括我)都情緒高漲，場內氣氛熱烈，笑聲歡呼聲都不絕，齊齊歡度非常愉快既晚上 ! FB : https://www.facebook.com/gluttonousmeow/ IG : https://www.instagram.com/gluttonousmeow/ 酒店戶外花園搖身一變為佈滿傳統藍白格子色調的啤酒樂園，有如置身德國傳統派對，令人解開束縛並暫時忘記煩憂，與三五知己更加投入當中。 Oktober Wiesn Band 穿上傳統巴伐利亞服飾現場表演多首德國民謠，又不時走到人群中表演，與大家打成一片! 場內設有攤位遊戲，獎品係德國派對帽子，所以都好受歡迎 !! 食物方面有正宗德國風味自助晚餐 (包括:香烤豬手及豬腩肉、法蘭克福腸、德國鹹麵包圈、凍肉拼盤、酸椰菜及黑森林蛋糕等)。 甜品款式都好豐富。 值得一提係香烤豬腩肉 (賣相雖然有點嚇人)，用了德國傳統烹調方法炮製，豬仔內裡釀滿餡料，外皮烤得脆口並肉嫩，好味！ 香烤豬手味道夠香，唯外皮不太脆。 雞腿頗嫩滑，薯仔及香腸亦烤得香脆。 聽住樂隊現場演奏一邊品嚐德國美食，一邊嘆來自慕尼黑的 Paulaner冰凍啤酒，真係賞心樂事 ! 啤酒麥味香濃，容易入口，令人一口接一口咁飲......每人更可獲贈 Paulaner 啤酒杯，可以帶回家中繼續暢飲!! 食埋甜品同 Haggen-Dazs 雪糕就非常滿足 !! 蘋果撻焗得鬆脆而且甜度適中。 啤酒競飲比賽 除了 BINGO 之外，全晚舉行左不少遊戲，大家都好踴躍參加!! 香腸競食比賽 Chicken Dance 及跳舞比賽 非常有節日氣氛既德國啤酒派對! 下年都要再參加 !! 黃金海岸美食啤酒節 地址：香港黃金海岸酒店戶外花園 (地圖) 其他美酒盛事 : 「第25屆馬哥孛羅德國啤酒節」 │ 「香港國際美酒展2016」 _____________________________________________________________________________ 記住 LIKE【為食貓呼嚕嘆世界】Facebook 同 Instagram，一齊染上「為食」癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
