海膽從來都不乏粉絲，當然我都係其中一員! 要食到既新鮮又好味既海膽丼，其實好靠餐廳的貨源，如果餐廳有一位專責海膽入口既「海膽哥哥」，1星期內3次親自去機場迎接由加拿大新鮮直送既海膽，相信質量都必定有所保證 !! FB : https://www.facebook.com/gluttonousmeow/ IG : https://www.instagram.com/gluttonousmeow/ 門口及裝潢令人有種時光倒流感覺，不知不覺地走進日本江戶時代，亦不自覺聯想起「東京大江戶溫泉物語」...... 好掛住日本呀 T_T !! 第一眼見到一排燈籠感覺相當有氣勢，另外樓底高地方亦相當大。 原來餐廳總面積有10,000呎，非常寬敞舒適。 近窗門位置有一排卡位，景觀開揚又有天然光。 店員透露原來老闆不單只想客人坐得舒適，亦同時希望員工可以於寬闊走廊推車仔，方便運送比較重既鍋物，嘩~真係好貼心呀!! 其實我係為左呢碗「大膽鬼」慕名而來，所以一坐低就叫左「大細膽鬼」各一碗試試。 原來每天限售50份乍，真係好好彩! ! 清雅既日本燈飾。 趁有時間周圍睇下，發現餐廳布飾同吊燈都非常別緻，原來大部份都係老闆由日本帶回來。 圓型餐桌好少於日本餐廳出現，原來係為左方便客人一邊食飯一邊傾計而特別訂製，全餐廳只有3張乍!! 雖然身處江戶時代的環境，但竟然有平版電腦 ?! 原來係方便晚市放題落單之用 ! 又幾方便同環保喎，而且店員可以省卻入單時間去處理上菜同做好其他服務，抵讚 !! 大膽鬼 期待以久既「大膽鬼」! 賣相好吸引呀 !!! 海膽呈鮮艷橙色、而且每塊都完整飽滿、卵既數目多而緊密，忍唔住要咬番啖...... 果然好新鮮呀!! 海膽好滑身，直情係「跣」入口度 !! 一啖咬落去時海膽鮮味即刻爆出來，而中間流心既「海膽膏」直情「漿」住上顎同喉嚨 ! 厚身又軟錦錦海膽完全無腥味，仲好鮮甜有回甘味! 實在係齒夾留香，會一啖接一啖咁食......話咁快就將一板份量食晒! 細膽鬼 味道同「大膽鬼」一樣，只係份量較細 (其實都有3格)，啱晒女仕們或較細食既朋友。 併埋一齊就會睇到大細膽既分別 ~ 嗯.......做人呢......都係大膽ｄ好！ 套餐包括湯、炒雜菜 (圖為2人份量)、飲品 (特飲另加)、甜品都係加多$10，好抵呀！而且炒雜菜味道唔錯! 飲品都有好多款式揀。 通常食完午市如果好味的話，對佢既晚市唔多唔少都會有興趣!! 原來晚市只係做放題，但留意到有個好正優惠，就係晚市放題每位加$48就有加拿大直送海膽刺身一板啦～係一板呀 !! 見到店內都貼有「惜食」海報，時刻都提醒大家米做「大徙鬼」!! 而餐廳會將剩餘食材捐俾老人院，真係好值得表揚 !!! 搵晚都要試埋放題先得！ 御前大江戶日式料理 地址：觀塘觀塘道414號1亞太中心8樓 (地圖) 供應時間: 星期一至日 中午 12:00-3:00 _____________________________________________________________________________ 記住 LIKE【為食貓呼嚕嘆世界】Facebook 同 Instagram，一齊染上「為食」癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
