「出前一丁麻牛麵、出前一丁麻牛麵......」相信香港人對「出前一丁」品牌絕對唔會陌生，甚至一早成了鐵粉 !! 最近同「甜品工房」合作並首次開設概念店，真係令人興奮的消息!! 但冷靜下來又會諗 : 甜品 ? 甜味 ?? 甜既「出前一丁」??? FB : https://www.facebook.com/gluttonousmeow/ IG : https://www.instagram.com/gluttonousmeow/ 「甜品工房」分店搖身一變，成了「出前一丁」主題概念店。見到櫥窗上有大大個清仔同清妹經已好興奮啦 !! 仲有清仔幫忙招呼客人，清仔既出現足以令一眾「丁迷」尖叫 !! 清仔當然亦好識做，任影唔嬲之如仲會擺出鬼馬姿勢，記得要捉佢影相呀 !! 門口巨型餐牌寫了店內主打「出前一丁棒丁麵拉麵定食」$60， 有 3 款「出前一丁棒丁麵」口味及 5 款「出前一丁」主題甜品任意配搭。價錢相當合理，而且甜品全部加入清仔或清妹可愛嘜頭，實在要即刻入去朝聖 !! 一入門口已經俾4款限定產品吸引! 包括 : 清仔康樂棋、清仔杯緣子、清仔多士爐及購物車 ! 清仔康樂棋 最想擁有既係呢款清仔多士爐，會有清仔個嘜頭係件多士上面架！ 點擊圖片放大 +2 概念店以「出前一丁」紅白黑色為主調，無論牆身、桌上、碗碟都係清仔清妹，可謂無處不在，實在太多影相位啦！ 九州濃湯豬骨湯味棒丁麵 嘩!「出前一丁」碗呀，可惜無公開發售!! 魚蛋上印有清仔圖案架 ! 原來棒丁麵指即食拉麵，每條麵條長長型狀似一支棒。食落口感軟腍，不算太彈牙。但２塊肉雖然較薄切，但味道不錯！ 而另一款全新味噌湯味更是香港期間限定，就連日本都未開賣，非常難得實屬必試 ! 清妹黑白蜜語（白芝麻雪糕配黑芝麻湯圓） 值得推介甜品 !! 原因係雪糕有香濃芝麻油味，而脆杯即有濃濃黑蒜油味，有趣得黎相當好味，加上賣相一流， 木板上掃上清妹造型的朱古力粉，非常可愛！ 清仔Double Happiness（白朱古力豆奶木糠布甸） 另一推介甜品！清仔大頭造型白朱古力已經夠靚，再留意經過改造「圓臉」設計，相當特別！ 最驚喜係內裡原來有煙韌日式麻糬及紅豆餡，味道不太甜，而且滑如雪糕！ 紫葡之戀（巨峰提子刨冰加香芋糯米糍） 面層巨峰提子珠珠咬落有「爆開」既感覺，而味道酸酸甜甜好清新！香芋糯米糍及小丸子相當煙韌。 清仔ICHIBAN（抺茶雪糕配班戟） 抺茶雪糕味濃而甘香，抺茶控必試！ 班戟雖較薄但挺身，可見落足材料製造！味道亦不錯。 果茶 另加$15可點冷熱飲品，有幾款飲品及花茶可選擇。 呢款果茶由不同乾果泡製，味道頗似紅棗茶，甜味適中。 即場自拍並加上#出前一丁x甜品工房，再上載至個人Facebook或Instagram，就可以獲贈出前一丁限定紀念品1份，鉛子筆或Memo Pad 以隨機方法送出。見到都心心眼啦！ 概念店只係做一個月，各位「丁迷」要快ｄ行動啦！ 甜品工房 地址：尖沙嘴厚福街12-12A號地下 (地圖) 期間限定：即日至11月30日 (三) _____________________________________________________________________________ 記住 LIKE【為食貓呼嚕嘆世界】Facebook 同 Instagram，一齊染上「為食」癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
