粉紅色玫瑰氣泡梳打真係超夢幻，吸睛度爆晒燈，絕對係女仕們專屬飲品！稱之為「魔法」，皆因稍後會見到佢既「神奇一瞬間」！ FB : https://www.facebook.com/gluttonousmeow/ IG : https://www.instagram.com/gluttonousmeow/ 玫瑰本來就是女仕恩物，性質溫和又可美顏抗氧化，不少護膚品都加入此成份。一問之下店員表示呢款「玫瑰 ‧ 炸彈」採用了原朵珍貴既福爾摩沙玫瑰花，有豐富既維他命為肌膚提供養分，更有撫平情緒既功效。而當身體吸收後會綻放陣陣天然玫瑰花既仙氣，氣質瞬間提升 ! 雖然唔肯定仙氣呢件事係米因人而異，但呢款飲品賣點確實有趣，一試無妨 ! 粉紅色燈泡實在美呆了!! 樽底係粉紅色玫瑰花汁梳打，店員提醒要攪拌再飲用，「神奇一瞬間」隨即誕生 ......3 2 1 攪拌之後，梳打氣泡不斷上升，樽內玫瑰花變得非常「狂野」，不停「up & down」打圈咁舞動，真係好有趣 !! 而且都持續左都有好幾分鐘架 ! 影片會清楚見到狂舞中的玫瑰花 : https://www.facebook.com/gluttonousmeow/videos/1818008521814282/ 氣泡散去後色澤顯得更加粉紅。塑膠造燈泡樽身好輕巧，準備飲既時候已經有陣陣玫瑰花香撲鼻，飲第一啖時感覺好清新，有幽香玫瑰花味 ; 飲到尾玫瑰花味散去只剩下梳打水，如果甜多少少就更加完美。 好喜歡店鋪支持環保行動 !! 而燈泡樽身可以洗淨循環再用，我就用左黎做擺設!! 其他飲品都好有特色，外型好似飲水機專用水樽! 呢款水桶可以裝熱水同防漏設計，仲有多款顏色選擇。 對住佢.......選擇困難症又會發作架啦! 呢款啱晒 Halloween 飲呀 ! 同一位置隔兩間鋪左右有一間獨家自創口味小食店，包括厚多士、蜜糖脆脆、炒腸粉、燒BBQ菇等等。 點擊圖片放大 而我就想試下牛角包，都有好多款喎...... 最後揀左招牌忌廉紫薯牛角包。鮮紫色紫薯十分搶眼，配上幾片士多啤梨 ，賣相好吸引!! 牛角包酥皮熱騰騰而且鬆化，好味！ 新鮮手打紫薯亦非常足料，唯不夠滑身而且凍冰冰，食落有點怪怪的。味道微甜不膩，紫薯味亦濃烈。如果紫薯熱食相信會比較夾！ 路過見到呢間，佢終於有真身啦 !個名真係好有親切感，究竟剪出黎個髮型會係點既呢? 仙氣 ? 我係家貓界黎講都算有ｄ氣質架啦 ...... 避暑山莊 Drinks Resort 地址：葵芳葵富路7號葵涌廣場2樓2007號舖 (地圖) Happy Toast 地址：葵芳葵富路7號葵涌廣場2樓2005 (地圖) ==================================================== 請按—＞我要「香港國際美酒展2016」入場門票 美酒盛事 : 「第25屆馬哥孛羅德國啤酒節」 │ 「黃金海岸美食啤酒節」_____________________________________________________________________________ 記住LIKE【為食貓呼嚕嘆世界】Facebook 同 Instagram，一齊染上為食癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
