令全城愛酒人仕熱血沸騰的年度盛事「第25屆馬哥孛羅德國啤酒節」正式開幕 !! 有幸應邀出席 VIP 開幕典禮， 與友人齊齊見識這德國小鎮熾熱氣氛的魔力 ! FB : https://www.facebook.com/gluttonousmeow/ IG : https://www.instagram.com/gluttonousmeow/ 位於馬哥孛羅酒店6樓海景露天廣場，入口處拱門上面寫有德語的歡迎橫額，是參照德國啤酒節設計。穿過拱門，德國小鎮就呈現眼前。 當晚天氣好不穩定，幸好這帳篷幫大家「遮風擋雨」。而工作人員都好貼心撐傘運送賓客來回帳篷及取餐處，扺讚 !! 戶外亦甚有氣氛，望住維港夜景吹住海風邊嘆啤酒都唔錯 ! 場外有幾檔攤位遊戲，收益都會撥捐慈善用途，既可一試身手又可做善事，一舉兩得 ! 點擊圖片放大 +2 食物都需於場外購賣，記住準備好足夠八達通餘額以方便付款。 付款後可以自取餐具。 仲有3款醬汁任加，甜芥末好味 ! 跟住就可以到帳篷揀個靚位邊食邊欣賞現場表演! 當晚每人都可享食物及飲品各2款，一齊黎睇下各款德國美食啦 ! 燒豬膝配燴紅椰菜及芝士焗薯片 ($185) 豬手份量超大但外皮唔算鬆脆且有點燶，肉質嫩滑入味並有層膠原口感夾雜 ; 芝士焗薯片好好味，芝士味濃，必試 ! 紅椰菜可去油膩感。 香煎紐倫堡式肉腸配酸椰菜及薯蓉 ($150) 紐倫堡式肉腸燒得香脆且啖啖肉，味道唔錯，值得一試。 蒜香燒羊脾伴燴紅椰菜及芝士焗薯片($165) 羊脾好入味而且有蒜香味，而且唔會韌同騷，可以一試！ 燴野菌酥皮盒 唔想食啖啖肉朋友可以試下呢款酥皮盒，野菌同酥皮味道匹配，酥皮幾鬆脆。 德國咸麥包圈配薯蓉 咸麥包圈賣相好靚，但食落頗硬同咸。 黎呢度最緊要帶既唔係錢，係朋友呀！！你睇下一枱都係仲要碟碟份量唔細！ 由於要留肚飲啤酒同食甜品，其他美食只可以影相留個念 ...... 啖啖肉既羊脾。 香草燒雞好吸引啊 !!! 好有氣勢既燒粟米呀 ! 德國咸麥包圈，真係食唔到咁多呢....... 煎三文魚扒都好厚切下喎 ! 慕尼黑白肉腸及雞肉蘑菇腸，真係琳瑯滿目 ! 重申 : 記住帶多幾個朋友開心 share ! 主角德國啤酒來頭不少，選用超130年歷史德國傳統小麥啤酒品牌「艾丁格 (ERDINGER Weissbräu)」，共有4款啤酒供應，其中2款更只限於是次啤酒節供應 ! 經典艾丁格小麥啤酒 (Erdinger Weissbier) - 以古老香檳式釀酒法 艾丁格小麥黑啤酒 (Erdinger Dunkel) - 馥郁甘香的特色 艾丁格德國十月啤酒節限定版小麥啤酒 (Erdinger Oktoberfest) - 每年只釀造一次，色澤金黃且泡沫細膩，入口帶清新果香，喜歡啤酒朋友們切勿錯過 ! 而我就試左呢杯「拉格淡啤酒 (Fischer’s stiftungsbräu helles lager)」，全港只限馬哥孛羅德國啤酒節供應。入口有濃烈麥香味，厚厚質感於口中，色澤金黃，令人一啖接一啖......其實酒量不是太好，淺嗜好了，大家都要量力而為呀 ! 順帶一提，場內都有汽水及礦泉水供應。 場內佈置特別是藍白色枱布極具德國風情，猶如置身於德國小鎮等待派對開始 ! 開幕禮有一項傳統切腸儀式，代表一連23晚派對正式開始 ! 來自德國樂隊 The Notenhobler 每年於啤酒節演出，穿上慕尼黑服飾的樂手擅長演奏傳統德國民謠，令場內充滿濃厚的地道德國風情 ! 認真喜歡他們的演出！ 熱情的樂手全晚都不時走上枱上演奏搞搞氣氛，又同大家一齊叫 Prost !! (德國語 : 飲勝) 大家都玩得好投入 ! 德國傳統樂器長號角 係樂隊帶領之下，全場都氣氛高漲，音樂歡呼聲不絕，大家都不自覺地跟住音樂扭身扭勢及大跳雞仔舞 XD 除左精彩表演更有啤酒競飲大賽，就暫時忘記煩惱，好好同家人朋友仔癲番晚啦 ! 跳左陣舞係時候要食下甜品啦 ~ 場內都有不少選擇 ! 圖左 : 黑森林餅 ($85) 蘋果酥卷配雲呢拿汁($85) 必食之選！酥皮好香脆而蘋果餡唔太甜，好味！ 士多啤梨撻配雪糕($85) 賣相好靚！士多啤梨好香甜，但撻底唔夠鬆化。 多款 Ｍovenpick 雪糕，最愛係混入朱古力碎片既朱古力味，絕對係我呢個朱古力痴杯茶，為呢個狂歡之夜畫上完美句號！ 德國芝士餅配燴雜莓($85) 賣相好可愛，好似一磚磚芝士咁 ! 但可惜太飽了，無謂浪費食物嘛 ! 多謝大會送的啤酒節紀念帽及襟章，適逢25週年銀禧紀念更具收藏意義 ! 係指定晚上入場除可獲啤酒節紀念帽及紀念啤酒杯外，更有機會贏取價值港幣 $55,000 Lehmann 特別版手錶一隻及餐飲禮券， 記住要留意呀! 而歡樂時光(6pm-7pm)以八達通於會場內啤酒專櫃購買杯裝啤酒可即時獲享「買一送一」優惠呀! 入場費︰ 星期日至四 ：成人 HK$160 (包括啤酒乙杯)│小童 HK$120 (包括汽水乙杯) 星期五及六：成人 HK$280 (包括啤酒乙杯及紀念啤酒杯乙隻)│小童 HK$160 (包括汽水乙杯) 詳情可參考 : http://www.gbfhk.com/ 第25屆馬哥孛羅德國啤酒節 地址：尖沙咀海港城馬哥孛羅香港酒店6樓海景露天廣場 (地圖) 日期：即日起至 11 月 12 日 (六) 時間：6pm-11pm 網上購票：www.hkticketing.com _____________________________________________________________________________ 記住LIKE【為食貓呼嚕嘆世界】Facebook 同 Instagram，一齊染上「為食」癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
