最近四周掀起一股紫薯熱潮，除味道以外自問亦係一個紫色狂迷並偏愛其食品 (如: 香芋、茄子、蝶荳花等)，當然同樣地都愛試紫薯食品啦! FB : https://www.facebook.com/gluttonousmeow/ IG : https://www.instagram.com/gluttonousmeow/ 路經店外見到張張食物相都非常吸引，特別係紫薯菠蘿包，一於入去試下先！ 餐廳位於美孚地鐵站旁，十分方便 ! 店內裝潢簡約，一支支好似試管燈飾相當有趣!! 目測大概有60個座位左右。 餐牌上有貼心溫馨提示，等首次光臨客人 (即係我) 可以預先了解如何落單，值得一讚! 另外，不得不提既係餐廳內有數名聾啞或言語障礙員工，關愛社群，要再俾一個 LIKE !! 落單後就可以「坐定定係度」，但並唔係「乜都唔洗做」! 點解 ?? 因為餐廳正正位於4個小精靈補給站既中心點，而且櫻花長開真係捉到手都軟! 又再 俾多個 LIKE 先 !! 半磅紫薯菠蘿包 $38 好~大~個~菠~蘿~包~呀 !! 真係有塊面咁大架，名符其實「半磅」無花假 ! 賣相一流，用黎自拍就啱晒 (就係掛住影佢唔記得左自拍番張 lol -_-" ) !! 橫切面咁睇顯得更巨大 ! 餐廳準備好餐刀方便切開，切既時候個感覺好似切緊蛋糕咁，依~做生日壽包有得諗喎 ! 用新鮮紫薯打成蓉，真材實料夠晒誠意 ! 天然紫色真係好靚，視覺刺激感十足 ! 厚厚紫薯蓉實在多得過份，唔好意思 ~ 所以忍唔住咬左啖 XD ! 紫薯蓉甜度適中且幼滑，菠蘿包皮亦好鬆化，配埋原塊菠蘿片係無敵匹配既組合 ! 建議用手拎住成個食，一啖咬落去滿口紫薯蓉混合酸甜菠蘿汁真係大大大滿足架!! 我個口咁細，好難拎住成個食喎......嗯，都係食罐罐......呀唔係，乾糧....罐...(喃喃自語中)..... Haru & P 美食堂 地址：美孚萬事達廣場N51 地舖 (美孚地鐵站C1出口) (地圖) _____________________________________________________________________________ 記住 LIKE【為食貓呼嚕嘆世界】Facebook 同 Instagram，一齊染上「為食」癮 !_____________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
