由細到大都好鍾意食雞翼，唔知有無人同我一樣可以將成隻雞翼 (只限迷你超細size!!) 入口拆肉再吐番舊淨骨出黎呢 ?!? 如果雞翼一早拆晒骨，再放入意大利包內.......真係正宗「懶人包」呀 !! https://www.facebook.com/gluttonousmeow/ 圖片來源： Couple & The Bao 好幾次經過都大排長龍，老闆們都異口同聲話為確保品質，意大利包都是即叫即整，所以要有等候的心理準備。 心大心細全部都好想試，好彩有老闆幫手揸主意，仲有幸深入廚房重地偷下師呢! 首先將意大利包切開並塗上牛油，無影手快到影唔到 XD 原來意大利包 (Ciabatta) 大有來頭，由老闆親自研製並每日於工場新鮮製作。而意大利包既味道、質感、各款醬料與雞翼口味配搭都係經過多番嘗試才調配出最適合比例，絕對係誠意之作 ! 老闆笑言研發過程中試過見到包都飽飽! 再煎香意大利包及已逐隻人手拆骨雞翼，香噴噴留晒口水啦喂...... 鋪上生菜、洋蔥及青瓜，可減低油膩感。 自家秘製香蒜。 即煮咖哩醬汁。整個製作過程都一絲不苟，而且井然有序! 親眼所見每個意大利包都製作需時，但為了美食，耐心等侯又何妨呢 ! 左 : 蜂蜜雞翼包 │ 右: 香蒜椒鹽雞翼包 左 : 青咖哩雞翼包 │ 右: 香草醬雞翼包 4款都好吸引，「真人」同上鏡一樣咁靚 !! 最後試了比較受歡迎「蜂蜜雞翼包」。店旁有幾張枱及木箱，可以即時立食又或是外帶再慢慢嘆。 雖然呢個形容好膚淺，但都要講架啦 ~ 真係好好味 !!! 意大利包新鮮煙韌有咬口，真材實料並唔係空氣包 ; 雞翼鮮嫩多汁而且入味，表皮微脆非常香口 ; 生菜洋蔥配搭清新解膩。無骨雞翼令人無拘無束，一啖接一啖咁食到無停口!! 整體味道好夾，亮點是煙韌意大利包，建議趁熱食更美味 ! 其實食到大半已經覺飽，但對男士來說可能未必夠喉。 左 : 菠蘿青檸蜜梳打 │ 右: 桑椹蜜梳打 蜂蜜梳打賣相好搶眼! 原來梳打水係黎自韓國，加入濃縮菠蘿青檸蜜、桑椹蜜並調製成蜂蜜梳打。如果買開意大利包，加$15就有一杯架啦。 菠蘿青檸蜜可以排毒化胃氣並幫助消化 ; 而桑椹蜜則烏髮強骨骼及滋腎聰耳。最後選了菠蘿青檸蜜梳打 ，原因係 : 顏色靚 lol !! 好喜歡漸變色效果， 有果肉而且酸酸甜甜好潤喉，夠晒解渴。最近天氣開始秋涼乾燥，請家人朋友飲蜜糖兼排毒，真係超窩心!! 有興趣可以按此 --- > 領取優惠，下載或分享現金券，一於齊齊潤番下啦! 為食貓話想知究竟個意大利包大，定係佢塊面大......嗯.......這個嘛....... Couple & The Bao 好包 地址：元朗西菁街2號興旺樓地下1C號鋪 (地圖) ______________________________________________________________________________ 記住 LIKE【為食貓呼嚕嘆世界】Facebook，一齊染上「為食」癮 !______________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
