荔枝角公園係車厘龜巢穴，相信一眾專業訓練員都略有所聞! ! 但 CP 500 以上精靈話想請食餐飯，唔知大家又知唔呢？ 最近有間工廈美式餐廳以近期大熱小精靈遊戲作為優惠，見到宣傳單張上寫「不用任何消費即享優惠」實在幾吸引，於是去看過究竟。 優惠詳情 : https://www.facebook.com/gluttonousmeow/ 餐廳位於工廈內，而工廈鄰近地鐵站相對方便。進入餐廳後先發現原來門外與內可謂兩個世界! 點擊圖片放大 +2 裝潢盡顯簡約美國風，木系地板餐桌與白色仿磚牆相當配合，牆上掛燈及主牆 feature wall 別具特色， 整體感覺自然舒適。 為配合優惠，精靈球擺設是少不免的! 估唔到平日努力既成果終於有收獲啦，我可以免費食「經典德州燒烤漢堡」!! 如果精靈未達CP 1500 ? 唔洗灰，仲有以下優惠: CP 500 - 金黃洋蔥圈 CP 1000 - 是日精選奶昔 除以上免費食品及飲品，亦有很多食物可以選擇 : 前菜、小食、沙律、餐湯、漢堡、意粉、飯類、甜品、奶昔...... 「德州燒烤漢堡」係餐廳推介食物之一，價值$108。是次以免費作宣傳，真係忍唔住再三問店員.......店員好有禮貌，仲提醒不另配薯條及記得 Like & Share FB ! 店員確認「不用任何消費即享優惠」，即是$0可以食漢堡包 !!! 天啊，好難得遇到的老實商人呀!!! 完全心服口服，再心甘命抵咁叫多杯朱古力奶昔。 雖然係免費，但一點不馬虎，有賣相有內涵，絕對真材實料，而且非常巨型! 漢堡包烘得好脆，牛肉漢堡有成吋厚及啖啖煙燻又富肉汁，配炸洋蔥圈同脆煙肉變得相當有層次，自家秘製墨西哥青椒燒烤醬好惹味。記住搵埋朋友share, 因為分量較大! 朱古力奶昔夾雜碎冰及威化片，朱古力味尚算濃但比較甜。 暫時仲未公布優惠完結日期，快d 約埋朋友仔去試下啦!! 留意只適用於星期一至六 2:30pm後時段，每個遊戲戶口限用優惠一次。 真係好吸引呀 !! 嗯，俾我諗諗約邊個去先...... The Americano by Texas Burger 地址：荔枝角長沙灣道883號億利工業中心1樓12室 (地圖) ______________________________________________________________________________ 記住 LIKE【為食貓呼嚕嘆世界】Facebook，一齊染上「為食」癮 !______________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
