20161110 更新 : 榮獲《2017年香港澳門米芝蓮指南》—「街頭小食」獎項，全港只有21間獲獎! 恭喜！支持小店！ 泡芙雪糕名字看似普通，但換成「法式天鵝絨泡芙」配「手工雪糕」，即刻有想試食既衝動! 再加上朋友推介，一於去探個究竟! FB : https://www.facebook.com/gluttonousmeow/ IG : https://www.instagram.com/gluttonousmeow/ 餐廳門面整潔光鮮，店名亦相當突出，用了可愛貓頭鷹作商標，容易吸引途人目光。 店內裝修簡約，感覺清新。坐位數目不多，大概同時能容納10位客人左右。 可愛貓頭鷹裝飾出現於店內不同角落，要落足眼力找找看! 開放式廚房一目了然，可以趁機偷下師! 有4款店主推介人氣泡芙雪糕，包括 : Red Velvet │Praline Noir │Popcorn Rocks │ Mango Tango 圖片來源：官方圖片 當然亦可自由配搭出自己喜歡口味 ~ 首先選擇泡芙味道 - 對玫瑰色天鵝絨泡芙一見鍾情，二話不說就揀定了! 跟著再挑選雪糕口味 - 店員先建議試味並同時介紹 Gelato 手工雪糕屬自家新鮮炮製，大概有6至8種味道 (朱古力曲奇、杏仁雲呢拿、咖啡oreo、香蕉拖肥、士多啤梨脆餅、藍莓乳酪等等)。最後揀了朱古力曲奇。 店員先從雪櫃中取出泡芙，再放入焗爐焗香及風乾。由於即點即焗既關係，製作時間預大概8分鐘以上，為了美味食物，付出少少耐性又何妨呢! 同朋友邊等邊傾計，時間真係眨下眼就過! 泡芙賣相實雖然有點美中不足，但食落又好有驚喜! 泡芙比較硬身但不會刮口，面層有類似菠蘿包的酥皮，就算食到尾雪糕融掉依然酥脆，值得俾讚 !! 雪糕尚算煙韌及不易融掉，朱古力味較濃而甜度亦恰到好處。雪糕中心加士多啤梨玫瑰漿，酸酸甜甜既清新又能增添香味。 另外，雪糕外面加了軟綿綿天鵝絨蛋糕，甜度適中。 除了泡芙，店內有售即磨咖啡、法式小泡芙及Gelato 手工雪糕。 「想食 ? 都話你唔可以食朱古力囉!!!」 (為食貓屎面中......) Owl's Choux & Gelato 地址：尖沙咀麼地道32號地下 (地圖) ______________________________________________________________________________ 記住 LIKE【為食貓呼嚕嘆世界】Facebook，一齊染上「為食」癮 !______________________________________________________________________________ Copyright © 2016 為食貓呼嚕嘆世界. All rights reserved. | 版權所有，歡迎轉載並請列明出處，謝謝!
