今日老公去尖沙咀見客，而我今日又放假，於是去接佢放工一齊出街食飯。我哋揀咗The Grill Room，之前去過銅鑼灣分店已經印象深刻，知道佢尖沙咀有分店當然要一試。我哋上次喺銅鑼灣試過牛扒，一試難忘，今日掙扎咗好耐，決定試新嘢，睇吓牛扒以外嘅食物水準如何。最後，我哋都好滿意，帶著滿滿嘅滿足感離開。1️⃣ 三文魚他他配香草乳酪汁 $138好味！三文魚好新鮮，肉質有彈性，乳酪汁同三文魚好夾，可以帶出鮮味之如，亦令三文魚嘅口感更滑。 2️⃣ 北海道刺身帶子沙律 $158第二次食了，上一次食已經愛上，今次水準亦同樣地高。帶子新鮮清甜，加上黑松露油同魚籽，味道更香更鮮。 3️⃣ 鹽味焦糖燒豬腩肉配青蘋果沙律 $218賣相吸引，香氣撲鼻。豬肉燒得好香好惹味，皮脆肉嫩，點上焦糖汁令味道昇華。但略嫌有一兩件豬肉有少少乾身，濕潤啲會更美味。 4️⃣ Tropical Punch $68哩度啲飲品質素亦相當高。賣相精美之如，味道亦非常好，真材實料，唔會淡茂茂。哩杯雜果賓治味道清甜，熱情果同菠蘿味好濃郁，酸酸甜甜好美味！ 5️⃣ Nuts Bout Tella Shake $78上次喺銅鑼灣都有叫，亦係一試難忘，今晚當然要encore。裡面有齊我同老公最鍾意嘅Hershey’s同Nutella，叫人欲罷不能。哩杯嘢上面仲要加咗香甜細滑嘅忌廉同埋繽紛x朱古力條，味道必然有保證。飲嘅時候，連卡路里這討厭的東西都要企埋一邊。 食物高質，價錢合理，下次嚟嘅時候想試意粉，期待！
