穿梭曼谷多年,連新開的EmQuartier都去了,一於去喀比享受陽光與海灘 喀比 (Krabi) 離布吉(Phuket) 大約3小時車程,由PhiPhi島坐船去都得 遊客就相對少,主要是西方人同泰國人,夠寧靜,最啱渡假 鍾意慢慢享受旅程嘅人,可以租長尾船(long-tail boat),玩足一日都冇問題。但係如果想爭取時間去多啲地方,就坐speedboat (快船) 或跟tour啦~ 嚟到呢啲怡人小島,梗係唔少得 island hopping、食海鮮、上山下海、曬太陽... 【Hong Islands】 又稱"Koh Hong" ,"Hong" 意思係房間,"Koh"就解島。屬國家海洋公園,所以會收入場費。地點較近Klong Muang,坐長尾船大約30分鐘 1. Hong Lagoon 好特別嘅一個地方,入口喺兩舊岩石中間,好似一道門,值得用video拍低。而湖四面環山,湖水清、綠、唔深,對住咁靚嘅景色游水真係好開心,不過水真係好咸。 2. Koh Hong / Hong Island 呢度可以浮潛、划獨木舟環島遊 (有教練教)。好彩的話,仲可能會見到巨蜥。到沙灘後面可參觀南亞海嘯遺址,沿途會見到紀念碑同當年被沖上內陸嘅船殘骸。 3. Koh Phak Bia 最靚嘅就係有個鞦韆畀你影靚相~ 潮退嘅時候,海水會分為兩邊,而島上仲會有馬騮。 4. Koh Lahding / Paradise Island 另外一個浮潛好地方,有好多魚。途經採摘燕窩營地。 【4 Islands】 另外一個不可錯過嘅行程,不過比較以欣賞風景為主 1. Koh Tap / ทะเลแหวก (Talay-waek) ทะเล(talay) แหวก(waek)意思係海同分開。潮退嘅時候,會出現一條沙路將水分開兩邊,被譽為"unseen in Thailand"。當日大概8-9am就潮退,自己租船嘅話,最好早一日問清楚潮退時間。 2. Koh Gai / Chicken Island 另一個浮潛之選。因為冇地方靠岸,所以會喺海中間落船,安全起見都係著救生衣,水好深,有時候仲幾大浪。 3. Koh Poda 白色沙灘同淺綠色嘅海水,再配埋藍天白雲~ 好靚呀!仲有好多魚同你游水。 4. Railay Bay 比較遊客區嘅沙灘,有得做massage,有人sell你買野,亦有好多賣野食嘅船。賣嘅唔係一般小食,而係餐廳可以食到嘅野:冬蔭功湯、Pad Thai、Burger、Smoothie、芒果糯米飯......全部即叫即整。沙灘後面仲有個Resort~ 鍾意攀石嘅人都可以嚟挑戰吓天然户外攀石嘅熱門地方! 【Emerald Pool】 除咗陽光與海灘,喀比仲有其他自然奇觀 Emerald Pool (สระมรกต Sa Morakot)係位於Khao Phra Bang Khram Nature Reserve嘅天然泳池,由Ao Nang坐車大約1小時 入口外面有好多餐廳、小食 入場費- 泰國人:20THB;外國人:200THB 入左場之後,要行多一段路。有兩條路揀,一條風景靚啲,大約1小時,另一條短啲就大約30分鐘 【Blue Pool】 建議再行多半個鐘去睇Blue Pool (สระน้ำพุด Sa Nam Phut),沿途會見到唔少奇花異草。 基於安全理由,唔可以落水。不過就令Blue Pool 神秘感增加。喺湖邊拍手嘅話,湖面會泛起漣漪。 【Hot Spring】 離Emerald Pool 大約15分鐘車程,入場費- 泰國人:20THB;外國人:90THB 好多礦物質,全身沉或沉腳都可以,不過水好熱 出海要注意: 1. 防曬:管你怕不怕曬黑,但我怕疼。雖然我補防曬都算頻密,但整個膊頭都曬得「紅卜卜」,蘆薈Gel都救不了 2. Ocean Pack:非常好用的防水袋,連船夫都用。可以浮在水面,手機、相機都可以帶出海 3. 鞋:因為船都是停泊在沙灘岸邊,所以要走到水中,然後爬上樓梯上船。穿沙灘拖鞋或涼鞋會較方便。但如果要去行山或攀石就要多帶一對舒適的鞋。