黎到第三日峴港之旅,今日要去既地方有靈應寺同巴拿山。 講少少題外話先,前文都有提過,話我會喺第二晚轉另一間酒店。咁間酒店名就係Nam Hotel & Spa。 點擊圖片放大 呢間酒店包埋早餐就大約HK$220一晚。同其他峴港酒店一樣,價錢平、房間大、服務好就係基本野黎。另外,佢好既地方就係酒店2樓有得做SPA,而且當日佢仲比我呢個住客可以半價VND350,000,約HK$120 (原價係VND700,000)做60分鐘熱石按摩+30分鐘曬燈同焗桑拿療程,做完真係成個人鬆晒嫁。 而Nam Hotel & Spa附近亦有24小時超市K-Market同街邊宵夜檔,可以滿足夜晚會餓醒既旅人。 如果大家將會黎峴港,可以考慮入住呢間酒店。 等我講返旅程先。食完個自助早餐,做當地旅遊+提供包車服務既王莉 (WeChat ID: vuongloi0912090023)就準時安排左司機車我開始今日既旅程。 點擊圖片放大 到達首站目的地,就係位於山茶半島既靈應寺。 由我住既酒店到靈應寺,車程大約10分鐘左右。 點擊圖片放大 +2 據講呢個觀世音菩薩像是成個東南亞最高的,亦都係峴港的標誌建築。所以黎得呢度,大家都係為左一睹觀世音菩薩。 「入屋叫人、入廟拜神。」一場黎到,當然緊係要誠心參拜。 呢度周圍都係人山人海,鍾意靜靜地既朋友可能會怕怕。 喺靈應寺大約停留參觀左30分鐘,就要去下一個目的地啦。 買巴拿山入場卷過程方便。車程中途,司機會停低左架車喺路邊,就有個男人拎張入場卷走埋黎,一手交錢、一手交貨,咁就搞掂。一張入場卷係VND650,000 (約HK$223)。 大家放心,張飛係堅嫁。 一黎到核心既外圍,就發現現場已經開始落起細雨。 都仲未入場,就已經見佈滿聖誕裝飾。(其實我依幾日喺峴港所見,街道周圍都有濃厚既聖誕氣氛,係最令我意想不到既) 終於到達巴拿山正門啦。 入到去,就要搭纜車先上到山。面對呢條世界最長及落差最大的登山纜車,一於要試一試。 由於當時搭纜車人數疏落,我被職員安排單拖搭纜車,當時心諗好快坐完je,無所謂啦。但估唔到之後會變成嚇死寶寶之旅。 開始左唔夠30秒,已經灑左一場密雨。 之後變成大霧、大風+大雨。 最後,能見度得返咁多........... 最慘既係,原來架纜車係分開兩程坐,正常情況下一程有成接近10分鐘。過程中,架野仲要唔知咩事郁下又停下,停下又郁下。我淨係感覺到個車廂係咁左右搖下搖下,同不停聽到呼呼既風聲同攬索既EE聲。因為非常大霧,我根本就唔知自己去到幾高,出面又咩都睇唔到,甚至架纜車係行緊定停左都已經分唔出。我淨係可以坐定定喺度、得正正喺度、咩都無得做...... 結果,喺停下郁下既情況下,我就咁坐左15分鐘以上........ 一落纜車,真係雀仔都軟晒。 提提大家,未落車,就已經感覺到寒寒地;落左車,直情係FEEL到股寒流,所以最好就上山前準備定外套;但如果真係無外套既,E度亦都好識做生意,可以租比你。 喺轉車站,亦都設有補給站,可以暖返下個肚先。 職員都凍到要著褸開工,可想而知有幾凍。 到第二程纜車,我就學精左,等埋同一批唔識既人一齊坐,個心肝仔終於都唔駛卟卟咁跳啦。 幾經艱辛,終於上到巴拿山頂。但一出到室外,眼前一切就係咁。 點擊圖片放大 +5 一心上黎,但好唔好彩咁遇上又濕又凍,加上睇咩法式建築都濛查查,完全感受唔到法式風情,所以盡快轉移陣地,向室內進發。 如果大家有睇過巴拿山既介紹,都知巴拿山有一個三層高既室內遊樂場,入面既機動遊戲、電子遊戲機都係免費任玩 (淨係得攤位遊戲要買代幣)。但相信其他人都係同我同一樣諗法,所以萬一遇上天氣情況不佳,室內遊樂場就會勁多人。 碰碰車,我玩左5次。 中型跳樓機,我玩左4次。 點擊圖片放大 +2 唔駛$任玩,我就喺機動遊戲及電子遊戲機中不停咁排隊、玩、再排隊、又玩,都幾爽嫁。(放心,人龍其實唔長,平均排5分鐘左右就有得玩) 玩到5點幾,太陽都落埋山,又係時候講88。 點擊圖片放大