黎到峴港既第二日，行程編排係先到訪現存既世界文化遺產 — 美山聖地。 一早起身，食返個酒店自助早餐先。 百零蚊港紙又包食又包住，咁我事前都唔敢有咩期望。但經過一晚後，發覺佢間房又唔細、張床又大 (仲要係雙人床)、又企理，應有盡有。如果係要彈，就淨係得沖涼時D水會時熱時凍既問題 (但我第二晚轉過另一間更貴既酒店，發現都有同樣問題，咁就有可能係一般峴港酒店都存既問題黎)。 咁既價錢仲要包埋自助早餐，而款式一D都唔算簡單，種類都幾多，有熟食、麫包、生果、甜品 (只係我唔記得左影相)，最緊要係有越南湯河供應。 早上10時正，當我Check Out後 (我第二、三晚會住另一間酒店)，越南肥仔個老友已準時到達酒店門外，接載我今日前往美山同會安。 點擊圖片放大 由峴港My Khe Beach附近出發，經過大約45分鐘車程，就到達有越南小吳哥窟之稱既美山聖地 (Mỹ Sơn Sanctuary)入口售票處。 點擊圖片放大 一張入場卷為VND150,000 (約HK$51)。 如各位想先了解美山聖地歷史，可參考： https://zh.wikipedia.org/zh-hk/%E7%BE%8E%E5%B1%B1%E8%81%96%E5%9C%B0 門口位置已經設有一個博物館。 一路行，一路行，仲要行多一段路。 原來距離美山聖地仲有成2公里，好在有免費Shuttle接載旅客入內。 原來佢地提供既Shuttle就係好似加長版既哥爾夫球車。 坐好就出發! 坐左大約3分鐘，就真真正正到達美山聖地喇! 美山聖地面積超大，並劃分為多個區域，方便遊人了解身處位置。 一於去相! 點擊圖片放大 +9 要行晒成個美山，大約都要用2個鐘既時間。加上呢度遊人眾多 (特別係韓國遊客，當地人都話峴港遊客中7成都係韓國人)，想影張靚相就要花多D時間避開人潮。 提提各位，我喺12月黎峴港時，不時會持續落微雨 (不論峴港、美山、會安)，所以真係要帶備雨具。而且美山呢度滿佈泥濘，落完雨後地下會特別濕滑，各位更應小心及選著合適既鞋。 睇完咁有歷史價值同珍貴既世界文化遺產後，亦都係時候繼續上路，尋找更美好的峴港。
