越南峴港，自從有左廉航直達後，兩個小時航程就去得到。但由於到當地要簽證、又擔心治安等既問題，又令好多人卻步，未敢遊歷呢個城市。小弟喺今年年中既時候，就用左六百零蚊既價錢(已連稅，但並無寄艙行李)，買到張今年12月去峴港既來回機票。我就啱啱完成左今次呢個4日3夜峴港之旅，亦係我首次踏足越南呢個國家。而家就同大家分享下今次旅程經歷啦。 想去越南，並唔係話想飛就可以飛。如果大家係手持特區護照或BNO既人士，去越南都係需要做簽證既，而做越南簽證除左可以親身去越南駐港領使館外(價錢相對上會比較貴)，其實都可以有第二種方法。 今次我就選擇左做網上簽證，各位有興趣既，都可以參考下，過程其實非常方便。(呢個做簽證方式對其餘越南地區同樣適用，如：河內、胡志明) 首先登入http://cheapvietnamvisa.net/ 1. 先選舉Type of visa (我就揀左1 month – Single entry DL-tourist) 2. 再選擇Processing Time (由於唔趕時間，我就揀收費最平既Normal 2 working days，價錢就係USD6) 3. 填妥基本個人資料 4. 先透過信用咭繳付USD6 (但其實喺信用咭月結單會顯示收左VND138,000，約HK$48) 5. 比左錢之後，好快會收到確認電郵 6. 再過多2日 (其實我1日後就已經收到)，電郵會附件封VISA信及入境表格 (自行PRINT封VISA信，同埋用英文填妥張入境表格) P.S 如果無選擇到要額外加錢既PRIVATE LETTER，各位封VISA信就會顯示埋其他申請人既姓名及護照號碼；同樣地，其他申請人封VISA信亦會顯示各位既姓名及護照號碼。所以基於私隱問題，大家要留意同考慮清楚揀邊款VISA。 入境表格對照中文如下： 英文全名 (全大階)，如: CHAN TAI MAN 選擇性別 出生日期 (日/月/年) 出生地點 出生國藉 現時國藉 宗教 (如無，可填寫Nil) 職業 公司名稱及公司地址 住址及電郵地址 同行家人/朋友資料 (1人入境可不填寫此欄) 關係/英文全名(全大階)/性別/出生日期(日/月/年)/國藉/住址 護照號碼及Type：P Issuing authority：Hong Kong / 護照有效日期 (日/月/年) 上次到訪越南日期 (如無，可填寫Nil) 入境日期 (日/月/年)，及逗留越南日數 入境目的 (可填寫tourism) 於越南既酒店名稱及地址 Name of hosting organisation : VVP International tourist Co Address : K9/4 – Tran Quy Cap street- Hai Chau district- Đa Nang 其餘可漏空不填寫 同行14歲以下人士資料 (如無，可漏空不填寫) 簽證類型 (單次簽證 / 多次簽證)，簽證有效期 (由入境當日 日/月/年 至 簽證上所寫既有效日 日/月/年) 其餘要求 (可直接填寫Nil) 入境日期 (日/月/年) 及於下方位置簽全名 7. 落到地只須提交 1.一張相片 2.已列印既代理信 3.填妥既入境表格 連同護照交往VISA COUNTER 提提各位，上圖既右方位置就係入境櫃台及行李帶方向 8. 等叫名，取回已貼上VISA既護照，再繳付餘下既USD25便完成 入境越南．就係咁簡單
