黎到行程最尾一日，天氣仍然非常靚仔。好開心呢4日3夜都可以喺極佳既天氣下揸住車．四圍遊，亦可以比我睇清睇楚大分縣至靚既一面。 留低喺大分既時間越黎越少，所以我都要一早出發，馬不停蹄繼續尋找大分．隱世之處。 大家仲記唔記得，喺前文其中一回曾經提及過既原尻の滝之旅? 由於上次因時間控制上既失手，導致去到睇完瀑布後就要草草收場。今日既最後目標，就係要「邊度跌低、就邊度企返起身」，拎返失去既野。 今日要去既地方，離上次原尻の滝約30分鐘車程。但如果要好似我咁，由大分市出發，基本上都要100分鐘車程。所以我喺前文先至話，如果要去扇森稻荷神社、岡城跡及原尻の滝，一定要喺早上至中午既時段出發，用同一日，以一次過打包既方式進行，咁樣先可以喺最短既時間，去齊竹田市附近既景點。 我就係因為一啖氣，為左旅程中無憾，所以先會選擇呢條路。 100分鐘既車程，隨住喺路上所見既美好風光，好快便渡過了。 按著指示牌既引領，就到達我喺大分縣最後一個CP．扇森稻荷神社。 點解要黎扇森稻荷神社? 全因慕「鳥居」之名而來。 喺日本講起鳥居，大家一定會首先諗起位於京都市的伏見稻荷大社；而喺九州大分縣，亦都正正有呢個迷李版「千鳥居」扇森稻荷神社。 點擊圖片放大 +3 行左陣，終於搵到主角「千鳥居」。 點擊圖片放大 +4 扇森稻荷神社既人流及遊人不多，大家喺參觀同參拜時請保持安靜，唔好破壞神社呢度既莊嚴同寧靜。影靚相既同時，亦要學識尊重，唔好妨礙到別人。 做個有品既旅遊．達人
