離開臼杵石佛群，其實臼杵市仲有其他地方好值得去睇。只要揸多40分鐘車程，又到達左另一個目的地。 點擊圖片放大 在臼杵市，除左有被指定為周遊地點既臼杵石佛外，仲有與佢齊名既另一名勝 — 風連鍾乳洞。 鐘乳洞? 無錯，喺大分縣都有得入鐘乳洞睇鐘乳石。 點擊圖片放大 又要做個介紹先，風連鍾乳洞係被指定為國家天然記念物之一，佢個特點係洞內有天然溫度調節既能力，保證冬暖夏涼。而由於風連鍾乳洞既洞深有接近500米咁深，加上係一個閉塞型鐘乳洞，導致外間既空氣難以進入，所以洞內既鐘乳石受到風化作用既影響唔多。鐘乳石既表面就可以KEEP住長期咁有光澤，而形狀亦都非常齊整，顏色方面就非常接近純白色。 比左入場費 1,000 YEN後，事不宜遲，一於入洞內探秘。 沿路向山上方向行2分鐘，話咁快就去到洞口位置。 點擊圖片放大 入洞後，穿越一個寫上「人工道」牌既閘門，見到樓梯級，就正式開始觀賞鐘乳石之旅。 點擊圖片放大 +5 值得一提既係，風連鍾乳洞內當中既「競秀峰」曾被稱為日本第一的鐘乳石，於是就吸引到好多無論係國內、外既遊客參觀，更喺國內一直受到極高評價。 大分．果然地大物博，處處有FUN 風連鍾乳洞 營業時間：09:00~17:00 (3月至10月)，09:00~16:00 (11月至2月) 年中無休 入場費：大人 1,000 YEN，小學生、中學生 700 YEN 提供免費停車場 查詢電話：0974-32-2547
