話別保戸島，繼續旅途。 返番到津久見港，隨即前往下一個目的地 — 拜訪國寶．臼杵石佛。 臼杵石佛鄰近臼杵市同津久見市。我今次由津久見市出發，揸車用左大概30分鐘，就去到目的地了。 點解要黎睇臼杵石佛？因為佢被全國指定為國寶。 講一講歷史先，臼杵石佛其實係指被刻在凝灰岩嘅岩壁上嘅60多體的磨崖佛群。但邊一個刻？點解要刻？其實依家都未有清晰既答案。但精湛嘅岩壁上雕刻技術就有如木刻咁，仲有數量上都係前所未見咁多。所以就被稱之為國寶啦。由發現、保存、以至修復嘅工程，就足足用咗14年時間。所以而家喺現場比大家見到嘅，全部都係多年來嘅心血同埋心機。可以話真係一個仲保存得好好既文化遺產。 終於嚟到入場嘅地方。 由職員把口先得知呢度正進行緊場地維修工程，部份嘅石佛暫停對外開放，未能睇到晒佢哋嘅廬山真面目。但路，仍然是要繼續行下去的。一場黎到，點都要入去睇睇先。 睇展覽，當然係要俾錢啦。好在佢哋都因為進行緊工程嘅緣故，票價方面都有所調整。大人每位由 580 YEN減至 430 YEN。 對住一群國寶，我都唔識介紹咁多，倒不如比相大家望望好過。 點擊圖片放大 +4 行完，仲有地方比大家買手信。 希望各位下次嚟嘅時候，已經完成晒修護工程啦。 国宝臼杵石仏 參拜時間：06:00~19:00 (4月至9月)，06:00~18:00 (10月至3月) 年中無休 入場費：大人 530 YEN，小孩 260 YEN (最近因復修工程而有所調整) 提供免費停車場 查詢電話：0972-65-3300
