由於日落既速度快得交關，觀光之旅唯有明天請早。 既然無得觀光，返到大分市，就決定開始美食之旅。 前文曾經講過，遊客喺日本晚上九點前，唔怕無得食，最怕係無得SHOPPING。 但由於真係堅肚餓既關係，唯有採取先食、後買、再食既戰術，爭取一分一秒。 因為唔想太飽既關係，就諗住先去食碗麵打左底先。 一心黎食九州拉麵 (原諒我天真到以為博多拉麵喺成個九州都會搵到)，但真係「粉紅色乳牛，可遇不可求」。我喺大分市最繁忙、最多人行既大街中央町、中央通附近都唔見有九州拉麵店。但世事就係咁幻海奇情，食唔到九州拉麵、但又比我喺茫茫人海中遇上一間寫住「札幌」既拉麵店。無論如何，真係要講句「法官大人，我食 !」 點擊圖片放大 喺九州既大分市遇上一間札幌味噌乃家，CROSSOVER出黎既效果又唔係差WO。由於我唔係食家既關係，只可以簡單講句，好食。 點擊圖片放大 煮到噴火都係基本野黎! 味噌乃家 中央町店 大分市中央町1丁目4-22 營業時間：11:00~23:00 成功有野食落肚後，就可以繼續SHOPPING。行到差唔多時候，戰鬥力開始減弱既時侯，睇黎又要補充一下能量啦。 喺日本、甜品非常受歡迎，再加上我對甜品有情意結，所以當經過一間Café見到有PANCAKE時，諗都唔駛諗就走左入去。 點擊圖片放大 由於有選擇困難症既關係，我決定唔揀，一於要晒佢。 點擊圖片放大 +2 對於形容食物，我個人黎講呢方面係詞彙貧乏。淨係識有嗰句，講嗰句。所以一句講晒，好好食! LANI cafe PLACE 大分市中央町2丁目3-16 營業時間：星期日至四 11:30~22:30 星期五至六 11:30~00:00 (不定休)
