上回講到，喺佐伯市丸二水產經過一場撕殺之後，海膽屍橫遍野。 但唔講唔知，原來呢D仲識郁下郁下既海膽殼，佢地係會拎返黎放入海再飼養 (咁遲下咪要比人再剝皮拆骨?)。橋本女士呢一課就教曉我咩叫循環再用、天生天養。佢喺我面前將啱啱拆開既海膽放晒入一個籠入面，之後就拋左落個海度。之後佢講左一堆日文 (雖然我都係唔明佢講咩東東)，之後就轉身帶我地進行下一個工序。 可能唔知過幾耐，佢地又會重新完完整整，大大隻隻咁，投過胎重新做膽。 返入正題，啱啱拆出黎既海膽肉，雖然都可以立即拎黎食 (我有試過，仲有海水味，非常鮮甜)，但由於黏住好多黑色類似膽囊既物體，賣相扣晒分。所以就要進行下一個步驟 — 筲箕中 挑海膽。 先將所有海膽放入個乾淨既筲箕，再用水沖洗。然後借助浮力，再用個鉗將黏住海膽肉既黑色野夾走，真係講求手同眼配合。由於係自己食返既關係，我對筲箕中既海膽肉品質要求非常之高，基本上除左黃色外、唔會見到其他顏色 (自己都覺得自己過份左，笑)。 幫海膽肉洗完白白，就要完成最後過程 — 擺上枱 咁勞師動眾、做咁多步驟，無理由就咁樣放入口。所以橋本女士教我要將海膽肉由左至右、由下而上，整齊排列好喺海膽殼同鮑魚殼 (但我到而家都唔知點解會關鮑魚殼事)上面，放到好飽滿咁。擺到靚靚仔仔，先符合日本人對食物既尊重。 點擊圖片放大 一餐好既海膽宴，除左主角海膽外，配角都好緊要。呢層就有醃漬物、鮮味魚湯同紫菜伴飯幫手做應援團。呢餐就名符其實係「三殼一湯，白飯任裝」。 是次即開即食海膽體驗盛惠 2,700 YEN，超值 (在出面用呢個價錢都未必食到一板海膽，仲肯定唔夠呢度咁新鮮)。 陣陣海風，再加上無敵海景做襯托，完全將漁村風味，發揮至極。呢個時候，仲有咩緊要過靜靜坐低食返餐安樂茶飯。 旅程始終要完結，但非常衷心感激橋本女士及其餘員工喺是次體驗中既熱情款待及教導。雖然大家語言不通，但真心待人，對方係會感受到既 (可惜我唔識用日文同佢地講)。人與人之間有緣份才可喺茫茫人海中認識，多謝佢地為我既旅途添上一份難忘既經驗。在逐一作出道別後，我亦要離開佐伯。 OMG! 隨手拎起一隻海膽都有成個拳頭咁大 P.S. 民宿旅館まるに丸 (距離丸二水產3分鐘車程)，亦係由橋本女士所打理，有信心保證，有興趣既朋友可以一試作體驗。 點擊圖片放大 +4 預約電話：0972-42-1600
