喺酒店放低行李之後，就要嗱嗱聲出發。 去開日本嘅朋友都知道日本嘅商店大多係九點後就會閂門。所以如果喺夜晚九點前，要喺醫肚同shopping二選一係，就一定係揀買野行先。 九點過後，條街開始夜闌人靜，就知道係醫肚之時啦。 係醫肚方面，大分嘅名物係琉球丼，咁當然要試一試佢。咁要試就當然要搵間老字號、有歷史架啦。所以就去咗E間位處市中心擁有40多年歷史老舖 — 二代目与一 點擊圖片放大 入到鋪頭裏面，昏暗嘅黃燈馬上令我諗起傳統、懷舊。 點擊圖片放大 +3 琉球丼，係大分縣既鄉土料理。其實係喺醋飯上面鋪碗滿滿嘅竹筴魚，再配上微甜醃漬醬汁，然後再灑上紫蘇、蔥、芝麻，令碗丼感覺更加清新爽口。 試一啖，其實感覺同食魚生飯差唔多，但因為佢加左好多紫蘇葉，食落去有陣香味（食落既感覺人人不同），食完有種清爽感覺，幾開胃。 咁一場黎到，無理由淨係食得一樣野啦。咁當然會試埋其他嘢啦。 食一啖呢個，成口都係紫蘇葉味。我將塊紫蘇葉夾開再試舊壽司，就發覺原來係無味嘅。 而我食e個刺身定食，我就覺得幾有水準，刺身厚得黎彈牙，碗八爪魚加醃漬三文魚既醬汁夠酸甜，大家都可以一試。 呢間餐廳位於若草公園附近 大分市中央町2-3-7 電話：097-532-4714 營業時間：11:00∼LO21:30
