首先想借呢個平台再次感謝大分縣觀光協會、U Lifestyle既邀請，令我能夠有幸參與今次大分縣自駕遊博客體驗之旅。 大分縣，我其實喺今年年初已經遊覽過。但大分又豈止得別府同由布院值得去呢。今次旅程，有名你叫自駕遊體驗之旅，就一定要揸車去唔同地方體驗人生同遊覽觀光景點，先至夠切合主題。同埋配合返「人做我唔做，創出新血路」既旅遊宗旨。 航班準時起飛。 安全到達福岡機場。 大分縣觀光協會嘅接待人員已經一早到達福岡機場等候（真係不得不盛讚日本人有早無遲既守時美德）。經過午膳安頓好肚仔同簡介是次體驗之旅須知後，就坐租車公司既專車出發去租車店拎車。 點擊圖片放大 +2 提提各位：如果要去九州玩，除咗可以選擇靠九州JR 鐵路周遊劵外，亦都可以選擇自駕呢種方式。若果選擇自駕，其實只需要帶護照同埋國際駕駛執照就得，但最最最最最緊要當然係要有足夠嘅駕駛經驗同良好態度啦。 由到達租車公司，再填有關文件同埋檢查架車，大概需時15分鐘左右。 點擊圖片放大 一切搞掂，就可以順利出發。由福岡揸車經高速公路去大分大概需時兩小時左右（其實同喺香港市區收工時間塞下車差唔多）。但呢兩個鐘車程並不愁寂寞，因為沿途揸車所見附近嘅景色靚到爆，包你越揸越精神。 順利到達酒店，但並不代表可以休息。相反，旅程才剛剛開始。
