離開左七里ヶ浜，見仲有時間，於是決定去埋長谷睇鎌倉大佛。 點擊圖片放大 +2 要睇鎌倉大佛，就要去高德院。咁點去高德院？喺長谷駅行過去就可以了。出左長谷駅會見到一條馬路，只要向上山方向行 (放心，條路基本上唔斜嫁)，行大約5-7分鐘就會到。 點擊圖片放大 +4 黎到高德院，都未代表可以見到鎌倉大佛。點解？因為睇鎌倉大佛係要比入場費既。 (大人收費200yen，小童收費150yen) 比左錢，拎左入場票，先正式有得入場睇大佛。(由於表示尊重，日本文化中在進入寺院前都要洗洗手及漱漱口，以達淨心淨身之效) 終於入到黎一睹鎌倉大佛容貌，但見遊人眾多，想影張冇人攝鏡既相亦有相當難度。 話咁快就參觀完，又要繼續行程。 如果去旅行會習慣寄postcard既朋友，誠意推介大家去鎌倉長谷郵便局一趟 (沿馬路行返落去長谷駅方向既左手邊)。因為呢度可以買當地限定既特色postcard，不容錯過啊！ 點擊圖片放大 長谷附近既名勝除左有高德院，其實仲有長谷寺。但由於時間關係，今次旅程只係行經寺外一望，並無入內。 今次既江ノ島電鉄沿線之旅咁就到尾聲。 點擊圖片放大 +2 話別長谷，有緣再會。
