黎得韓國首爾,就預左行到邊食到邊。咁食過咩先代表黎過? 亞洲地區,除左日本,相信就係得韓國最多生野食。 一場黎到,就緊係要挑戰下自己,搵食搵到黎廣藏市場,就一於食下生八爪魚先。 一份八爪魚(通常是一隻)價值W10,000,喺一個細小既魚缸內揀好八爪魚大哥,就準備開餐啦。阿豬媽一睇我地個驚奇樣,就知我地未食過,仲特登喺劏之前喺我地面前打開隻八爪魚比我地影張沙龍。之後手起刀落,喺砧板上亂刀斬死左佢。望住慘死既八爪魚哥,就諗起咩叫雖死猶生,一條一條觸鬚由砧板游走,再被戴手套既豬媽捉返埋一齊。落齊麻油,辣椒醬,芝麻,紫菜,阿豬媽就用手勢表示可以開得餐。襯佢地仲郁來郁去,我都決定盡快送佢地一程,免得佢再受不必要既痛苦。 八爪魚本身無味,放入口,其實得陣麻油味,非常香。但條脷就會被觸鬚纏實,都要花D時間先食到一條。我諗食生八爪魚都係食個過程多過食件野本身,好玩多過好食。 其實,廣藏市場仲有好多好野食,有好多由阿豬媽主理既小攤檔,不過賣既野都幾乎一色一樣,都係拌飯、紫菜包飯、炒年糕、魚糕湯、炒粉絲、血腸等等. 佢地會o係你經過既時候好熱情咁向你招手,令你會唔知揀邊間好. 食血腸會送少少炒年糕同類似肝內臟既東東俾你,味道有點似豬潤.血腸入面釀了糯米,中意成內臟既朋友應該會幾中意食. 另外,我地就試左一間出名既綠豆餅鋪頭. 間野主打綠豆餅同豬肉餅,綠豆餅半煎炸到外脆內軟,熱辣辣,仲有一個加左生洋蔥既醬汁,雖然有點似鼓油,但又有點酸,不過可以解膩(因為有點油). 一塊都唔細,食完唔會太飽,咁就可以繼續入去市場覓食. 廣藏市場都幾大,仲有一邊是專賣各式各樣泡菜既巷子,常見的、不常見的泡菜你都會見到,大飽眼福. 有一條巷是賣乾貨為主的,可以買手信,如紫菜、人蔘等等. 唔知大家食韓國菜會唔會覺得好濃味或者好熱氣,誠意介紹以下呢樣飲品俾大家,甜米露!!! 唔想飲香蕉奶、又唔想飲梨水咁甜,見阿豬媽飲得幾好味,就問佢係咩,結果一飲就愛上! 甜米露是清甜既米水,可以解渴,底有少少米粒,所以會有少少嚼頭. 通常是放係個透明容器到,KEEP 住攪拌,顏色是半透明的灰色,1,000-2,000 won 一杯. ENCORE左幾次,但唔係度度都搵到,廣藏市場既小攤檔有售.