E個海鮮鍋真係食過番尋味，食到舔舔脷! 呢間野本身個朵已經幾響，本著做人最緊要唔好收埋好野，不斷開心SHARE既精神，就再介紹下呢間CP值超高的店俾大家。 地點雖然有些偏，但絕對值得! 係波拉梅站的2號出口，向Pizza Hut方向一路直走5分鐘，睇到GS25後向左轉就會搵到喇。 入到門口就要先除鞋，是傳統韓式佈局。 呢到主打海鮮鍋，你只係需要揀SIZE，大(w75,000)或中(w58,000)。前菜任你添。 個窩一上到枱，嘩左一聲，想嚇死朕咩! 有隻生勾勾既大八爪魚係到郁緊，仲有好多其他海鮮，鮑魚、蜆、蝦、蟹、青口、大扇貝、蠔仔同成隻大龍蝦，包足料!窩底下仲有白蘿蔔，芽菜等配料! 呢個大大盤中型鍋計返先大概四舊幾港紙，你地諗下，有咁多海鮮，大成咁，香港邊食到。 馬上就有個OPPA過黎幫我地解決呢班海鮮，一路開猛個火，個鍋就一路開始滾。OPPA手起刀落幫我地將龍蝦去殼，剪開大八爪魚等。其實食海鮮好多人都怕煩，而家有專人服侍，擘大個口就可以啖啖肉既滋味無需多講，呢個服務實在太貼心、簡直係窩心豬!! 湯頭既嗰陣鮮甜味，令人嚐回味，一點都唔腥!睇得出同埋食得出所有海鮮都好新鮮。本身仲想叫多個拉麵 (本身係唔包既)黎吸下D海鮮精華，但個鍋三個人食未必搞得掂，大家都係量力而為喇! 另外，大家要留意佢地營業時間。 佢地中午有兩個鐘落場時間 (體諒下啦香港人)，中午 AM 11:30 ~ PM 3:00 / 晚上 PM 5:00 ~ PM 10:30 (週日例休)，大家要留意番。因為話說我地個日兩點幾先去到 (真係要同OPPA阿豬媽講聲對唔住)，佢地LAST ORDER左都照開爐俾我地，實在非常唔好意思 (講多次都一定要)，但服務仲可以好好，非常幸運+盡興而回!
