平時係香港想遠離煩囂, 渡下假既話都係會諗起長洲, 南丫島尼啲離島先, 好少會諗起市區有邊啲地方都可以好休閒咁hea下同食下好西! 有無諗過香港仔都有好多好玩好食既地方, 仲可以上埋船屋過返個係水上既兩日一夜? 香港仔身為香港其中一個最歷史猶久既漁港, 當中既文化氣息同風土人情係係香港其他地區搵唔到架! 艇仔粉, 舢舨, 珍寶海鮮房, 仲有鴨脷洲大街, 每一樣都代表住香港仔獨有既一面! 所以如果想完完全全咁探索到香港仔既每一面, 同食盡代表到真正香港仔風味既食品既話, 不妨參考下小編點樣可以一邊嘆船屋一邊食盡同玩盡香港仔! 按此預訂船屋 香港仔獨有地道艇仔粉 當大家諗起香港仔既時候, 第一樣出現係你腦海既會係咩? 會唔會係充滿住香港仔之前身為其中一個最主要既漁港歷史既艇仔粉? 話艇仔粉係香港仔最具代表性既食品其實一啲都唔誇張, 因為遠係8, 90年代, 艇仔粉已經係當時以水為家既水上人其中一樣最主要既糧食黎架啦! 熱辣辣既大地魚湯, 配上各式各樣既餸菜同即煮既河粉, 真係諗起都流曬口水! 重點係可以叫粉艇去到我地船屋既位置, 咁就可以舒舒服服係船屋上面嘆即叫即煮既艇仔粉啦! 想知更多關於艇仔粉既資訊, 可以睇下: [香港仔/鴨脷洲必食] 傳統足料艇家美食: 艇仔粉 唔想食艇仔粉, 點算好? 唔想食艇仔粉既話, 海鮮又啱唔啱你呢? 相信唔少人都應該有見過或者聽過珍寶海鮮房, 就算無親身去過都好大機會係電影或者明星既社交平台上面係咁以見過! 珍寶海鮮房 作為香港最有代表性既水上皇宮, 佢地既海鮮同小菜都好出名, 有好多明星都係常客黎架! 所以如果有機會去既話, 真係分分鐘隔離就坐住個明星同你一齊食飯架! 除咗佢地既野食之外, 珍寶海鮮房既外圍都裝修得十分華麗, 因為珍寶海鮮房係以古代中國皇朝風為重心, 所以在它的外圍會輕易見到龍, 寶塔跟紅和金既設計, 更顯中國既古代美! 想預約珍寶海鮮房食晚飯, 可以按此預訂! 唔想食野香港仔仲有咩好做? 除咗食好西之外, 香港仔都有好多隱世靚景同好去處既! 想健康啲同時飽覽香港仔/鴨脷洲景色既話, 去行下玉桂山+鴨脷排都不失為一個好選擇! 玉桂山+鴨脷排 – 香港仔行山徑首選 如果想由船屋去玉桂山+鴨脷排行山既話, 可以搭乘舢舨到洪聖古廟碼頭, 然後步行至利東地鐵站, 再從B出口走出就得架啦! 全程大約3.63公里, 所以大概3個鐘就行得曬架啦! 小編親身試過, 覺得難易度大約有8/10, 因為佢雖然比較陡峭, 但相對路程較短同海拔唔係太高 (266m), 加上沿路都有繩索輔助你行上去, 所以難度唔會太高. 但如果有畏高既話, 小編都唔推薦你選擇尼條行山徑! 想查詢更多地圖/行山路線的資料或詳情, 可以按此參考 唔想行山可以做啲咩? 除咗行山之外, 都不妨可以睇下香港仔充滿歷史美既一面! 香港仔身為香港其中一個最主要既漁港, 又點會無一間專係用黎供奉海皇既廟宇呢? 香港仔漁民的守護神 – 海皇廟 香港仔既海皇廟係香港唯一一間以海皇為供奉對象的廟宇. 海皇廟曾經坐立於海邊, 但由於需要實施填海工程, 先至移遷到道路兩旁. 香港仔既漁民對負責守護海港既海皇特別敬重. 因為漁民相信無咗海皇既守護, 漁港就唔可以正常運作, 所以海皇廟由1851年開始就擔當起供奉海皇同天后既重任, 希望保佑所有出海的漁民平安. 係海皇廟入面可以搵到由漁民奉上既俑, 文物和銅鐘, 用黎保漁民平安. 所以如果有時間既話, 都好推薦大家可以去睇下同了解下香港仔既歷史背景! 睇到尼到係咪估唔到香港仔都有咁多野玩咁多好野食呢? 不過去曬咁多個地方食野同玩, 無個又舒適又方便既地方黎休息下點得呢? 有無諗過可以係超靚日式無印文青風船屋住返兩日一夜, 咁咪可以玩得同食得更加鬆動囉! 想知更多關於尼隻船屋既資料同設施, 可以參考之前小編上船屋兩日一夜既實測! 上得船屋都有啲注意事項要提一提大家既, 所以而家就同大家講清楚, 以免上到船屋先搞錯就唔係幾好啦! 首先船屋停泊在香港仔漁港, 客人需要從附近的鴨脷洲/香港仔碼頭乘坐舢舨到船屋｡從鴨脷洲洪聖廟碼頭,步行到利東地鐵站A1出口大概3分鐘(220米)的路程, 所以好容易就會搵到架啦! 大家記得船屋既入住時間係3:00PM, 而退房時間就係11:00AM, 預返好啲時間就玩得更加開心啦! 另外, 船屋上已經有資訊包提供, 好似舢舨既電話號碼, 屋主既聯絡方法, 同wifi既密碼都會係資訊包入面, 所以可以放心! 要注意! 舢舨服務由早上 7 時至零晨 1 時, 每程只需$10-20 HKD, 同埋此船屋是長期停泊, 不會出海, 所以如果係想搵一架會出海玩水上活動既遊艇既話, 我諗船屋就未必適合你啦! 如果想玩水上活動同出海既話, 可以參考下其他西式遊艇! 按此查詢 睇到尼到大家應該對船屋既認識加深咗既, 既然知多咗, 就快啲預訂尼架全新船屋黎返個香港仔兩日一夜staycation啦! 包你對staycation同遊船河有另一番體會! 按此立即預訂
