(17-1-2017) 第一天就是有一個最刺激的開始，就是錯過飛機。 當天我四點半起床，五點半去坐巴士。上到巴士仔細想想，我好像有點遲，但是人已上巴士，唯有希望巴士開快一點。飛機是上午7:55分起飛，最後我在7:00到機場，閘口已經關閉。(只能怪我預計時間錯誤…) 本來我和朋友計劃在台中下機再乘坐到台北玩3天(不一早訂台北是因為我貪平買97元機票)，所以最後我自己直接飛到台北，而我朋友就在台中下機再坐高鐵來台北找我。(真複雜) 世上最貴既距離係飛機走了但你還在機場 我係坐中華航空的..睇左半套侏羅紀世界同半套the intern就要落機 心情不好, 食咩都覺得難食.. 會合朋友後去左睇姓名算命香港同台灣計法有唔同 香港會計埋8字 台灣計筆劃 但重點係點都係冇桃花 <士林夜市> 到民宿寄存行李後，便到士林夜市。要到士林夜市，便要搭捷運於劍潭站下車，大約步行5分鐘就到達。買東西的店舖比較多，可以買到電線、手機殼、日用品等等。要吃小食便要再行下一條街，我試了芝士薯仔(好像選了雞肉口味)、山豬肉腸仔(正!)就有點飽，最後去了一間啤酒小店(超推介!)，買了一杯柑橘啤酒，超好飲，老闆也很好人!!! 民宿樓下買既鹹酥雞,勁好味!! 食個陣凍左 唔太好食, 個味仲有啲酸酸地(不知是否燒烤醬的味) 3蚊一個布丁 好想帶哂番香港(太愛布丁了) 薯仔控既我就覺好正但芝士有點稀 對一個人來說份量也太多 柑橘啤酒 好正(酒鬼來了)! 要encore番民宿飲.. P.S 黑熊太空倉環境不錯，價錢超便宜，但諸多不便。You need to close the door gently 其實幾好訓 但係出出入入要好細聲.. 推介!!個人認為1-2個人的旅行比較適合! 這一天在香港機場跑來跑去用了我不少元氣，我腳都快要斷... 但一想到Day 2可以去九份食牛肉麵我就好開心!!^^
