小妹G.C.我終於係上星期完成左一個人既旅行 一個女仔出門旅行 為左減低風險 地點既選擇首要條件當然係語言啦 我既最基本要求係文字要睇得明 咁就算唔識講果種語言 我唔識路都好啦 都可以上網google下嘛登 登 登 登 今次目的地就係台中喇 相信作為香港人對呢個地方都唔會陌生 就算未去過 都可能會聽過 而我今次唔打算介紹咩景點 不竟我都旅遊BLOG既初哥 再加上我4D3N當中 有3日都落下既 真係無咩新景點能夠為大家介紹 之但係APP就有一個推薦wo 仲要係免費tim 尤其台中無捷運 旅人大多數依賴公車 呢個APP絕對值得download一用G.C.係出發前三日download 左一個<台中公車>既APP 我係用iPhone既 想download既朋友 只需要APP store直接用中文search<台中公車>就可以搵到架 介面設計相當簡單清晰 唔洗估估下 G.C.係4日當中 最常用就係 1) 公車動態 2) 路線規劃1) 公車動態 一襟入去 介面好似計數機咁既 只要輸入車號 search就可以知道架車會經咩車站 如果你開埋定位 係站與站之間仲會顯示行緊去邊個站 咁行車方向一定唔會錯啦 咁就算真係上錯車 都可以走快兩步再等架岩既 係咪先?另一個服務就係<到站提醒> 如果你用埋呢個服務 應該就唔會落錯車 當然 <公車動態>可以方便到一早知道車號既旅客 咁如果無做功課又或者行程臨時有變 呢個APP又可唔可以幫手呢?答案係: 可以 咁就到介紹下<路線規劃> 既用法喇2) 路線規劃 介面設計都係好user friendly 只需要鍵入起點同訖點(終點既意思) 再輕輕一按查詢 會自動彈出一系列方案 而方案即係車號意思 舉例: 由台中機場去台中火車站 呢個APP就搵到6架車 當你一襟入去 會見到橙色點同綠色點 橙色點係起點 綠色點係終點以302號車為例 你會見到 橙色點係台中航空站 綠色點係台中車站當中APP仲會數埋坐幾多個站、係咩站落車 落車之後大約行幾多米、幾耐時間會到目的地好似302咁 由台中航空站坐31個站 落車之後行2分鐘就會到台中車站喇 作為旅客既你有個時間同距離預算就會放心好多啦 順勢一提 不同方案當中如果要轉車都會顯示俾你知 你亦可以選擇用直車或轉車 (((不過 要注意一點 台中一d 地方/景點叫法有別於香港 就好似機場=航空站 台中火車站=台中車站 而火車站仲會分前站同後站 所以用之前都要睇一睇地圖先會穩紮穩打)))一個免費簡單易用既<台中公車>APP介紹完畢 希望可以幫到各位旅人 尤其係獨遊人士啦 :)
