我的專欄,一向推祟「窮遊歐洲無難度」。上篇介紹過5間歐遊跨境巴士公司,今個星期,分享歐洲三大廉航,10歐起飛無難度! 1/ RYAN AIR 廉航之王 RYAN AIR 係我在英國讀書時、德國生活時,最常乘搭的歐洲廉航。它是愛爾蘭公司,在西歐航線,可謂稱王稱霸,九成九佢最平。最平一次,我試過用2.9歐(約HKD$29)由德國飛往羅馬尼亞,航程一小時;亦試過用12歐(約HKD$120)由英國飛往盧森堡,抵到笑! 舉個例,由德國出發,HKD$100-200 的選擇,包括意大利、波蘭、瑞典、英國、西班牙、丹麥、匈牙利、立陶宛、馬爾他,下省10+個國家。窮遊歐洲,絕對無難度。 歐遊時,不妨用Skyscanner或上官網,搜尋一下,話唔定,走多兩個國家,都唔駛一餐飯嘅價錢! 官方網站:https://www.ryanair.com/gb/en/ 2/ WIZZ AIR WIZZ AIR 係匈牙利廉航,集中火力,主打東歐航線。我到巴爾幹半島、希臘等,都乘坐WIZZ AIR。它的座位比RYAN AIR寬敞、機身較大、飛行穩定,overall 比較舒服。 例如,由浪漫古都(匈牙利首都)布達佩斯飛往瑞士,單程平均HKD$200-250,實在係度蜜月心動之選! 官方網站:https://wizzair.com/en-gb#/ 3/ easyJet EasyJet 係英國廉航,飛齊東南西北歐,對在英國讀書、工作假期、旅行、度蜜月的朋友,係一個開心選擇。大部分時間,它比RYAN AIR貴些少,例如倫敦飛米蘭,RYAN AIR係最平選擇,來回只需HKD$290;EasyJet則要HKD$500-600來回。 不過,easyJet的航班時間、機場地點多數比較方便,所以要做個至精明歐遊客,除咗比較價錢,不妨仔細比較埋座位舒適度、時間、機場位置、往返機場車費等,咁「窮遊歐洲,絕對無難度」! 官方網站:https://www.easyjet.com/en 溫馨提示:歐洲的主要城市,多數有一個主要機場,一個偏遠機場。廉航大多數停在偏遠機場,購買抵到笑機票後,記得check清楚機場位置,以及前往交通,避免誤會,錯失良「機」。 作者: 廚職背遊 梁芷靈 廚職背遊 460日:何文田坐車到新加坡、德國工作假期、希臘坐車返香港、西伯利亞鐵路。《經濟通》DIVA Channel、《gini》智能理財平台專欄作者。曾赴英國留學、英國廣播公司工作。下個計劃:去英國做老闆!