11月20日（日） 步步驚心之行山之旅 今日幾左個朋友郊遊。 但冇一早plan定去邊。 咁就臨時plan啦。 到決定去邊果時都已經12點 咁大家就拿拿臨去大園到等 食埋野。去到都3點幾啦 好啦。點解係步步驚心之旅先。 咁就睇呢張路線圖 佢呢到係分唔同色唔同路線 分紅（3km), 藍（4km),棕（7km), 黃（10km) 咁我地2條女，冇咩行山經驗就話啦： 我：喂！我地行邊條呀？ 朋友：冇所謂呀 我：行藍或棕囉。 朋友：咁棕啦。2個半鐘姐。唔遠啦 我：喔！咁行啦 地圖如下 </ 咁我地一開始仲嘻嘻哈哈咁開始 以上呢兩張我地一開始影。 之後已冇咩影相。放左手機入袋。 一開始就已經係大級大級樓梯咁上 起碼上左30分鐘 係咁上。 一開波已經好辛苦 真係好想放棄 但呢個不是重點 咁我地都照一直行一直行。 上緊長命梯中間見到有一對情侶 回程中。。。 咁當時，我地冇諗咁多呀 頂硬上啦 咁行開山都知，唔會一直上樓梯。 上到咁上下變返斜路 咁我地就開始講起 我：岩岩見到果對情侶。行完回頭啦。我地一陣都要回頭路？ 朋友：唔知呢？但我地條路唔會回頭 我：係咩？咁佢地係第二邊行過黎？ 朋友：應該係啦 我：頂! 早知我地都逆走啦。岩岩咁多樓梯 朋友：唔會啦，上黎都應該差唔多 當時大約4點半。 我地繼續嘻嘻哈哈 行多半15分鐘。 開始唔對路 我：喂！點解一個人都冇架 朋友：我都想知 我：中伏啦今次。 朋友：咩呢d地方路係好多人行咩 我：我地只係見到果對情侶咋喎 朋友：大獲啦今劑 我：頂差喎多5點啦。5點半個天開始暗。襯d路易行d行快d啦 周圍咁呢d樹林。 路就唔好行。 樓梯又高又低。有d滑 全程都keep住呢個風景 因為我地果時都只係行左一半 我地都開始驚同心急就行勁快 一邊行就真係一邊話 朋友："好伏呀" 我：係。伏爆 朋友：我地係咪太晏開始 我：擺明啦。平時我12點就開始行 朋友：係囉。雨次早d plan 我：如果我拗柴。你會唔會揹我。 朋友：唔會囉。我會叫救傷隊 咁一邊吹一邊越行越快 15分鐘後。。。 冇錯。我pk了。。。 好在冇拗柴。同跌係泥地冇流血 真係嚇死寶寶。 果時天色仲係咁。應該已經5點半 咁pk完。見冇事就繼續快走 行多15分鐘已變成咁暗。 仲要係森林到。嚇死人 成坐山，得我地兩條女行緊 而我地已經深信。 岩岩果對情侶係放棄回頭。 而不是由終點來 好黑呀。 相影出後黑d。仲有dd光睇到路 咁行到6點鐘終於行出樹林。 但仲要行45分鐘落山 好在趕到天黑曬出到黎 條路又好奇區。黑曬都唔知點算 行左半粒鐘。見到終點牌 再行15分先走到入口 其實呢條路冇咩 唔算難。。。 只係行山都係要早D... 唔係就好似我地咁。步步驚心。 之後去左食柯華田新地 一杯已回左岩岩消耗左既卡路里 晚餐。元氣壽司 冇影相
