這次又可以和Begarlo一起出event, 是拜新的smart phone HTC Butterfly S的發佈會所賜~讓這個「機佬」又有機會出動了啦~ 所以, 這個活動的review, 是分為兩個部份的: HTC Butterfly S 就交給Begarlo=D 而咖啡拉花就由我負責吧! 很開心可以又去出event玩新手機呢~ 大會是很有心思的在場內佈置滿氣球, 還有變裝的小玩意可以玩個夠~ 現在就有請Begarlo comment一下這天的主角: HTC Butterfly S~ “部機個外形是一貫HTC嘅手機質素，用料非常好，唔會好「膠」。機身設計好簡約，全黑嘅機面配上少少紅色嘅部份（speaker+softkey）睇落好cool，拎上手好似拎住件好luxury嘅產品。 今次Butterfly S有四隻顏色可以揀：珍珠白，炭灰，黑色，同紅色。其實真係四隻色都好靚，每隻色嘅底色都帶有少少金屬色，所以反光嘅時候睇落好靚好似跑車嘅車身咁。我就好鐘意紅色因為真係好sharp好型！ (對女生來說, size可能會大一點~ 看我女朋友拿著就蓋住整塊面!) 而main page 是HTC BlinkFeed即時動態首頁, 以前成日都要開唔同既APP去睇唔同source既newsfeed，而家喺版面㩒幾下就可以睇晒，而且仲可以自定新聞來源添，非常方便。 以前用電話用speaker睇片D聲好多時候都會好「拆」，放低係檯面時機身又壓住個Speaker間接令到聲音嘅Quality差左。HTC BoomSound雙前置立體聲揚聲器的雙前置Speaker嘅音色冇任何遮擋所以更直接響亮，睇HD影片嘅時候感覺會好好。 數據上，Butterfly S嘅電池容量比起同級嘅手機優勝，但係大家都唔好忘記Butterfly S嘅螢幕同樣比起同級嘅大，所以耗電量可能都會好高。不過官方建議嘅最長通話時間同埋最長待機時間分別係25小時同659小時, 用好耐都唔會無電。 女仔用電話都係不外乎上網睇片同snap shots, 好似我女朋友咁做blogger當然會影好多相啦~ 相機方面，Butterfly S嘅HTC Ultra Pixel相機有210像素，F2.0大光圈同埋28mm廣角鏡頭，像素尺寸 2.0 µm。大光圈同廣角對成日影相嘅女仔黎講真係好緊要，大光圈可以喺暗D嘅環境下仍然可以影到好清悉嘅相，而廣角可以比起焦距窄D嘅鏡頭capture到更大嘅範圍。 幻想下你喺一間又細又暗嘅K房裡面影十人大合照，當你冇大光圈嘅時候就只可以靠閃光燈去補光，但係就咩瑕疵都影晒出黎。而且鏡頭唔夠廣嘅話就算你退到貼實後面道牆都fit唔晒你十個朋友入張相道。咁嘅時候你就驚覺大光圈同廣角係幾咁重要啦。 而像素尺寸又係咩意思呢？其實係講緊每一粒pixel嘅尺寸，一般手機嘅相機像素尺寸介乎於1.1到1.4µm之間（例: Apple 5代同三星 Note2都係1.4µm），Butterfly S嘅2.0µm明顯地比同級嘅大。像素尺寸大又有乜咁好？其實除左光圈影響到感光之外，原來每粒pixel嘅大細都可以影響到架。每粒pixel面積大D嘅話相對地受光嘅範圍都會變得更大，代表住每粒pixel可以吸到更多嘅光！所以Butterfly S嘅Ultra Pixel相機喺低光嘅環境下係一定會比其他同級嘅手機優勝㗎！” 好多謝Begarlo的專業分析~ 在他還興致勃勃的去研究的時候, 我已被拉花教學吸引了! Cafe Habitu的員工為我們介紹了如果拉出美美的圖案, 看似複雜的洋紫荊, 原來是由一個圓形奶泡, 再以尖捧在上面劃幾個水滴就做了出來~ 我和Begarlo都是十分認真的說~~~ 加上兩個chocolate圈, 以尖捧一拉! 就變成美麗的心型了! 看看我們的作品不賴吧! 接著學習的是蝴蝶的圖案, 咖啡還是我十分喜愛的玫瑰味! 這次熟手了一點, 手腳快了自信也增強了 (當然有咖啡師傅在旁, 大部分都是她的功勞啦~) 完成了~ 我們倆都很開心呢! 雖然最後也沒有很lucky的抽到Butterfly S, 不過真的十分感謝HTC的邀請, 讓Begarlo這個機佬玩了一天=] 謝啦~ HTC Butterfly S: http://www.htc.com/hk-tc/smartphones/htc-butterfly-s/ 想知道我更多穿搭和美容的心得，可以在我的Facebook Page看到呢^ ^歡迎大家like我的G4GLamour Page: http://www.facebook.com/g4glamour 本博客中在此的陳述或意見，純屬個人感受，並不代表本網站或本公司的立場。閣下在決定購買或使用博客介紹的產品或服務前，請先就其作進一步了解。
