而家春天,過多一排天氣轉熱,就要著返短袖,想趁呢段時間修身keep fit?Dr. BK Laser指要瘦身要先從培養良好飲食同運動習慣開始! 1) 均衡健康飲食 減肥唔洗過度節食,但點都要控制飲食,遠離零食、煎炸、油膩同垃圾食物,日常飲食要均衡,適量攝取蛋白質、碳水化合物、植物纖維、維他命同礦物質,保持足夠嘅熱量供身體活動。另外,Dr. BK Laser專家指少食多餐比較容易肥,所以想減肥就一日食三餐就足夠架啦,宵夜就唔好食啦,夜晚10點之後食野都係較為容易致肥。 2) 培養運動習慣 多做帶氧運動,例如跑步、行山、游水等,但Dr. BK Laser專家指要留意返做完運動之後好可能會特別肚餓,如果想減肥,就唔好係呢個時候大吃大喝,食7-8成飽就ok,否則隨時吸收多左,仲肥左架!另外,要維持規律嘅運動習慣,例如每星期固定慢跑3日、定期去做gym 60分鐘以上等等。 3) 瑜珈 做瑜珈同冥想可以放鬆心情,比自己係忙碌嘅生活中搵到比心靈平靜落黎嘅方法,創造一個令自己完全放鬆嘅空間。以下兩個瑜伽動作比較簡單,係屋企都做到。 A. 仰臥轉體卷腹 (Crunch) 一開始將身體平訓,雙手放係耳後,雙腿伸直,深呼吸後屈起一條腿令腹部捲起到最高點,用屈起左嘅腿個膝蓋邊掂另一邊手嘅手肘關節邊,然後再換另一邊 (簡單講即係右腳掂左手手肘,左腳掂右手手肘),左右邊各一次為一組,以20組為基準,熟左之後可以慢慢增加次數。 B. 瑜珈嬰兒式 (Balasana) 瑜珈嬰兒式有助於放鬆身體,消除疲勞,Dr. BK Laser專家指呢個動作同時能夠促進腹部血液循環同改善便秘問題,仲可以減到小肚腩。 做法:先將雙腳膝蓋微微分開,跪坐係坐墊上,雙手向前爬行,手臂係身體前方伸直,將軀幹放係大腿上,額頭靠係地板上。維持呢個姿勢深呼吸5至10次。 資訊由Dr. BK Laser提供。