當你隻眼覺得攰個陣,你會點樣做?有人會捽眼、有人會狂滴眼藥水,但其實唔單止捽眼對隻眼唔好,每日滴太多眼藥水都唔係咁好架!Dr. BK Laser專家指眼睛周圍由眼頭、眉中到眼尾有好多穴道,只要按岩位置,簡簡單單就可以紓綬疲勞,改善眼睛健康,令雙眼有返活力架啦。 做眼部按摩需要按到嘅6個穴位: 1) 攢竹(眉頭) 2) 魚腰(眉中) 3) 絲竹空(眉梢) 4) 太陽(眼尾,眉梢後凹陷中) 5) 承泣(眼平視時,瞳孔往下七分處) 6) 晴明(內眼角外靠的近眼眶骨內緣處) 眼部按摩方法有好多,最常用係將雙手食指指腹按係穴位上,兩手同時劃圓圈揉按。 順序為1)眉頭、2)眉中、3)眉梢、4)承泣、5)太陽,按完之後 再依相同順序,彎曲食指,用第二節內側面輕刮眼眶一圈。 按完穴道之後,以順時針方向轉動眼球,再換逆時針方向。 以下眼睛保健操3個步驟,Dr. BK Laser專家建議每日早晚各做一次。 1) 按壓穴道:參照上面提到嘅方法按壓眼睛周圍穴道。 2) 轉動眼球:將眼球依順時針方向繞圈,速度唔洗太快,約轉動10圈後,換逆時針方向再繞10圈。 3) 遠望:凝視大約10公尺外嘅遠處,最好望綠色植物,凝視約30秒,再向下望。 最後,Dr. BK Laser專家提醒大家做眼睛保健操之前,一定要洗乾淨手先至好去按壓眼周穴道,轉動眼球個陣唔好太快,慢慢黎,而望遠野個陣,眼球唔洗過度用力,亦唔可以出現斜視、瞇眼等不良用眼姿式,至可以達到眼睛保健功效。 資訊由Dr. BK Laser提供。