好多人廿幾歲嘅時候都仲覺得自己叫做未老，完全冇諗過皺紋問題，所以唔會做任何野去預防，結果一出皺紋先黎後悔莫及。Dr. BK Laser專家提醒大家抗衰老護理愈早做定愈好，肌膚老左想補救就難好多架啦！ 1. 潔面steps要做好 後生個陣，都仲可能有本錢通頂唔落妝就直接訓覺，但係當你已經唔再係十八廿二嘅青春少艾，想通頂唔落妝？諗都唔好諗呀！Dr. BK Laser專家指潔面係成個護膚程序最重要嘅一環，就算你懶到或者累到護膚品同面膜都唔想用，都一定要潔面，洗走面部嘅污垢！建議除左用性質溫和嘅潔面產品之外，亦必須做好卸妝清潔同定期去角質，以免堵塞毛孔，減少黑頭粉刺嘅形成，改善暗啞。 2. 幫肌膚按摩 皺紋係女人嘅大敵，唔想比人知道自己年齡嘅秘密，除左用去皺產品之外，每日臨訓之前按摩肌膚都好重要，好多人都會忽略呢一part，搽左護膚品就算，但Dr. BK Laser專家指其實按摩護理可以加速血液循環，提高肌膚緊緻度。 3. 幫肌膚補充膠原蛋白 面部肌膚之所以會隨住年紀增長而逐漸失去彈性同變得鬆弛，係因為肌膚嘅膠原蛋白會係25歲後每年流失平均百分之一。想減慢皺紋出現，做個凍齡美人，就要先補充膠原蛋白。Dr. BK Laser專家建議食多D含高蛋白質嘅食物，例如牛奶、雞肉、魚同豆製品等等。Dr. BK Laser專家又指由於室內嘅燈光一樣有紫外線，所以就算係室內，都需要做好防曬，從而減少膠原蛋白因為紫外線照射而流失。 4. 飲食要清淡 新陳代謝會隨住年紀增長而減慢，脂肪如果開始積聚，就好難好似以前咁可以好快減到肥。Dr. BK Laser專家建議飲食方面，要減少食零食同熱氣野，保持營養均衡、少油少甜、多食生果至係皇道。 5. 抗衰老產品 隨著年紀增長，除左保濕之外，抗衰老產品都開始要用啦！如果你唔想認老，就更加要用抗衰老product，咁就唔會比皮膚出賣你嘅年齡啦，Dr. BK Laser專家建議係基礎護理中加入使用抗衰老、抗氧化功能嘅產品，預防勝於治療，皺紋一出現就好難搞架啦。 資訊由Dr. BK Laser提供。
