有時我地為左靚，會造好多野想去搞好D皮膚，例如敷Masks、去角質、用果酸換膚、擠痘痘等等，但好多時候唔識得收，OVER左都唔知，結果弄巧成拙。等dR. bk laser專家同大家分享下幾個常犯嘅美容錯誤啦！ 1. 敷MASKS切忌太頻密 呢幾個月天氣乾燥，如果覺得皮膚太乾太繃緊，可以連續2,3日敷急救面膜。但如果平日有做足基本護膚工作，每星期只敷2至3次masks就夠架啦！Dr. BK Laser專家指由於皮膚吸收美容成分嘅能力有限，如果你日日都敷，比皮膚過量嘅水分同養分，反而會對肌膚細胞造成負擔，阻礙新陳代謝，造成反效果。 2. 咪成日擠暗瘡黑頭 好多人見到塊面突然有明顯嘅暗瘡同黑頭，就會好想「吱」走佢，其實小編都一樣，要忍到手唔搞佢一D都唔容易架。之但係，其實毛孔內積存污垢，同皮脂腺分泌過高，毛孔阻塞、細菌感染有關。Dr. BK Laser專家指嘗試用手擠出黑頭同暗瘡，唔單止無助暢通毛孔內淤塞嘅油脂污垢，反而會令毛孔變粗變大，搞到暗瘡更難消退，仲有機會留疤，所以要學識控制下自己隻手唔好亂咁黎啦~~ 3. 唔好過度去角質 適當去角質可以令皮膚煥然一新，但過度頻繁去角質，反而令肌膚少左層天然保護膜，Dr. BK Laser專家建議每星期進行最多兩次溫和面部磨砂就已經好足夠架啦！ 4. 小心選用果酸產品 天然果酸換膚療程，有助促進新陳代謝，不過Dr. BK Laser專家指出揀錯滲透性太強嘅果酸護膚品，或者於日曬後即時用果酸，對肌膚造成高度刺激，有機會擾亂肌膚嘅更生週期，令肌膚變得脆弱，甚至出現泛紅敏感反應。 5. 重要日子前急轉用新護膚品有風險 相信唔少人都鍾意係重要日子或約會之前個日，突然轉用比較名貴嘅護膚品或者面膜，慕求令自己以最短時間變靚D。但Dr. BK Laser專家話要小心嘅係，皮膚有可能未適應得切，導致敏感。如果真係想轉用新護膚品，應該預留多D時間比皮膚適應，例如一星期至兩星期，以免弄巧反拙，係重要日子先出現過敏就功虧一簣啦。 資料由Dr. BK Laser提供。
