而家愈來愈多人注重頭髮保養，學識洗頭淨係用洗頭水並唔夠，仲要用護髮素，但原來用護髮素都有學問架，而且好多人仲因為過度保養而造成反效果，等Dr. bk laser專家教你認清幾個護髮真相啦！ 1) 洗髮不宜用熱水 好多人都鍾意用熱水洗頭，咁唔但止會將應該保留係頭皮上嘅油脂都洗走埋，仲會令頭皮變敏感，搞到又痕又紅腫。Dr. BK Laser專家認為用暖水洗髮最好。而熱水嘅熱力並唔可以加強護髮素嘅吸收，因為當頭髮仲係濕嘅時候，毛髮嘅磷狀表層就會打開，吸收養分，最後以凍水清洗，可以幫助磷狀表層緊閉，令頭髮順滑光澤。 2) 護髮素無需從髮根搽至髮尾 最接近頭皮嘅髮根，比起髮尾滋潤得多，Dr. BK Laser專家指如果髮根都搽護髮素，反而會加重頭髮負擔，造成滋潤過度，輕則搞到頭髮扁塌塌，重則增加生頭瘡同脫髮嘅危機。 3) 洗髮後別即時用護髮素 絕大部份人都係洗完頭即刻搽護髮素，但其實最有效嘅方法係洗髮之後，先用毛巾印乾頭髮至唔再滴水，之後先至將護髮素搽係髮尾上，咁樣頭髮會更有效吸收當中養分，發揮護髮功效。用完護髮素最好用梳梳順頭髮，確保護髮素均勻佈滿頭髮上。 4) 每天洗頭並不恰當 相信好多人都習慣每日洗頭，有人更加係早晚都洗一次。當中部份係為左靚同舒服，部份人係以為一日過後，頭髮經歷環境污染同油脂分泌，就一定要每日洗走「污衊」。Dr. BK Laser專家指其實每日洗頭反而容易令頭髮受損，皆因頭皮過度潔淨，會連帶用黎滋潤保護頭髮嘅油脂都洗走埋，令頭髮乾旱開叉，失去光澤同彈性。建議兩日洗一次頭髮，保留頭部油脂作滋潤。 5) 髮尾油不應搽在乾髮上 髮尾油最主要係用黎滋潤乾旱開叉髮尾，同埋保護頭髮免受風筒或造型產品嘅熱力傷害。Dr. BK Laser專家建議將髮尾油塗搽係濕嘅頭髮上，令磷狀表層打開後吸收，至可以發揮效用。所以最好係洗髮後或者造型前整濕頭髮後塗搽，咁就可以確保功效啦！ 資料由Dr. BK Laser提供。
