點先可以改善好皮膚？首先要了解護膚品嘅成份適唔適合自己嘅膚質。所以你需要選擇嘅係可以針對自己皮膚問題嘅相關成份，例如缺水需要透明質酸、抗氧化需要維他命C等，Dr. BK Laser專家教你以下4類肌膚嘅人應該點做好︰ 1) 敏感肌 敏感肌嘅人由於膚質脆弱，肌膚好易敏感，太多嘅護膚程序反而可能會對皮膚造成負擔。建議徹底清潔之後，淨係用爽膚水、精華同面霜就OK，而且仲要以簡單保濕為主。 2) 暗瘡肌 暗瘡唔一定由油性成份引起，可能因為環境污染，所以不妨加強清潔程序，例如先用卸妝油，再用卸妝乳同潔臉乳，最後到淨膚水，至可以保持毛孔乾淨順通。Dr. BK Laser專家指之後嘅保濕工作都要做足，否則就會令自身出油，同樣有堵塞毛孔嘅可能。 3) 乾性肌 毫無疑問，皮膚乾最重要就係保濕，潔臉後，用保濕成份高嘅爽膚水、精華同面霜，Dr. BK Laser專家話之後仲可以多加一層精華油，並配合按摩，鎖水同時令之前嘅護膚成份吸收得更好。 4) 油性肌 唔好以為塊面容易出油嘅人就代表唔缺水，其實有時仲係會有乾粗、脫皮等現象，即係「外油內乾」膚質。會生暗瘡代表皮膚中油脂同水分嘅比例不均，成日擠暗瘡、粉刺，毛孔會變粗，如果肌膚防護再唔做好，就會更容易因缺水而出油。 天生油多，就要集中控油，爽膚水、精華、面霜以外，可以的話，一星期起碼要敷3次面膜(但又唔好日日敷)，有助控制出油情況，減輕平日嘅負擔。乳液比化妝水更重要，因為乳液有助鎖水，所以油性肌膚唔好怕搽乳液，Dr. BK Laser專家建議選擇具有控油效果、含有A酸或水楊酸嘅乳液，幫助油性肌膚代謝角質，有效調整膚質。 資料由Dr. BK Laser提供。
