有時因為種種原因，例如捱夜、用眼過度、聚會瘋狂飲食等等，原本冇黑眼圈、眼袋、甚至眼紋，都可以第二日起身變到有，呢種唔係長期累積而係突發性嘅黑眼圈同眼袋，有咩方法可以急救到？等Dr. BK Laser專家教大家幾種急救tips啦！ 倦眼急救法 (一): 捱夜黑眼圈 無論係捱夜溫書，捱夜OT，定係捱夜煲劇，搞到有黑眼圈，呢個時候可以先用熱毛巾敷眼，時間可以由5至20分鐘都ok，視乎你趕唔趕時間，敷嘅時候要完全覆蓋眼周，包括太陽穴位置。熱力可以促進眼睛血液流通，減淡黑眼圈，之後再用凍毛巾敷眼一分鐘，令毛孔收縮。Dr. BK Laser專家建議間中可以將用過嘅茶包放入雪櫃，取代毛巾敷喺眼皮，有淡化黑眼圈嘅作用！ 倦眼急救法 (二): 急救乾燥眼紋 近年天氣反常，成日忽冷忽熱，可以突然由20幾度急降至10幾度，空氣濕度驟降，會令眼周肌膚因為缺水而出現細紋。最好先用有效補充水分嘅眼部精華，尤其係乾紋位置搽多D，減褪眼紋嘅痕跡。Dr. BK Laser專家指當出現因乾燥而引起嘅眼紋，要盡量減少化妝，即使化妝亦唔可以搽遮瑕膏，以免增加眼肚肌膚嘅負擔。到咗夜晚，盡可能早啲瞓，喺床頭放一杯水，或者開住加濕器，增加室內濕度，雙眼有充足水分，眼紋就無咁明顯。 倦眼急救法 (三): 急救因疲累而形成的眼袋 眼袋嘅成因有分先天同後天，先天係因為眼眶內嘅脂肪肌肉比較肥大，引致眼袋比較明顯。而後天係因為年紀大左，又或者眼睛用神太多，過度疲勞令皮膚鬆弛，無晒彈性，眼袋就會越來越大。 Dr. BK Laser專家指要解決眼袋問題，首先一定要有充足睡眠，另外就要做吓眼部運動，鍛鍊眼部肌肉，最簡單嘅動作係有意識咁閉合上下眼瞼，每日做100次以上，可以分開時間做，通常工作中每隔兩個鐘可以做20至30次，亦可乘機俾雙眼休息一陣。 倦眼急救法 (四): 聚會、Party後倦眼 前排聖誕除夕，聚會特別多，亦離不開飲飲食食，大吃大喝嘅後遺症就係吸收過多鹽分，臨訓前又飲過多水分，體液積聚，造成第二朝起身眼部浮腫。快捷有效嘅消腫方法係冷敷青瓜片或者泡過紅茶嘅茶包，紅茶中有茶單寧，可以消除眼腫。Dr. BK Laser專家建議敷眼之後可以加上按摩，合埋眼用指腹去感覺眼窩邊緣嘅骨骼，然後用中指由眼窩外沿至內輕輕按壓，至眉頭同鼻樑處稍微加力，刺激血液循環，帶走多餘水分。 資料由Dr. BK Laser提供。
