暗瘡係好多人嘅煩惱，特別係年青人，唔想成日買一堆冇咩用嘅暗瘡膏黎急救，就要先了解暗瘡嘅成因，再做好預防措施，今日由Dr. BK Laser專家教你預防暗瘡嘅方法啦！ 暗瘡有唔同類型，其中呢幾種比較常見: 1)情緒型暗瘡，長期緊張嘅情緒導致荷爾蒙失衡，影響油脂分泌。緊張嘅情緒包括生氣、情緒低落、喜怒無常等。 2)飲食型暗瘡，飲食失當，Dr. BK Laser專家指煙酒、煎炸、辛辣或太鹹太甜嘅食物，會導致消化系統失調，影響腸胃排毒功能，令毒素積聚。就快到聖誕，如果唔爆瘡就要忍下口，揀聖誕大餐之前要諗清楚啦！ 3)化妝品暗瘡，劣質嘅化妝品、唔適當使用化妝品或卸妝唔徹底，都會令毛孔阻塞，引發暗瘡或者令暗瘡惡化。 要改善暗瘡，Dr. BK Laser專家提提你需要注意以下幾點： 1) 保濕：當皮膚缺水，就會分泌出油分，如果油脂分泌過多，皮膚會變粗，令暗瘡更易生長，建議定期敷補水masks，最好臨訓前敷，一星期敷2至3次。Dr. BK Laser專家建議敷完masks之後，亦要搽下保濕膏，雙重鎖水，咁第二朝起身都咁水潤啦~~ 2) 充足睡眠：睡眠對暗瘡嘅影響其實好大，Dr. BK Laser專家話盡量要係每晚11點左右訓覺，太遲訓或者訓太少都會令皮膚變差。 3) 注意飲食：多d飲水、吸收多d維他命C，少食辛辣同甜食。 4) 減壓：保持心情放鬆，Dr. BK Laser專家建議要搵一D適合自己嘅減壓方法，例如做運動、聽音樂、玩音樂、行街、睇戲等等。 資料由Dr. BK Laser提供。
