做運動對身體好係人都知，但運動對護膚又係咪一定好? 等Dr. BK Laser專家講解下運動對皮膚分別有咩好處同壞處啦！ 好處: 1) 令皮膚更紅潤自然健康 運動會令心跳加速從而供應更多血液，血液會流向主要器官、腦部，面部就會因為血液供應增加而泛紅，所以做運動可以令人睇落面色更紅潤，更有氣色。 2) 改善膚質 運動可以減低皮質醇，而皮質醇有助我地抵抗疲勞，但如果身體分泌太多皮質醇反而會令皮膚出油同埋破壞膠原蛋白。做運動令皮質醇保持係正常水平，從而改善暗瘡、毛孔、皮膚緊緻度等問題。 3) 修身減肥 運動其中一個最大既好處就係可以修身。Dr. BK Laser專家指運動可以帶走身體多餘水份，改善水腫同肥胖問題，令身型保持最fit狀態。 4) 抗衰老 Dr. BK Laser專家指運動可以提升肌膚細胞能量，促進細胞代謝、膠原蛋白生長，令皮膚睇落更飽滿、幼嫩，減少皺紋。相信大家都見過d有做開運動同冇做運動嘅老人家，前者睇落絕對會後生好多呀~ 雖然做運動對身型同皮膚有好多好處，但如果運動環境欠佳或者運動之後冇好好沖涼清潔面部同身體，就反而會對皮膚造成某d反效果，等Dr. BK Laser專家同你講解下啦！ 壞處: A) 運動後處理不當可以會令暗瘡情況惡化 平時去做gym會接觸到好多健身器材，但呢D器材上有唔少細菌，如果掂過之後就直接摸落塊面到，例如用手抹汗就會有可能將細菌帶落塊面到，促發暗瘡。所以做運動個陣絕對唔好用手觸摸面部。另外，Dr. BK Laser專家指做完劇烈運動流大量汗水而冇及時清潔，亦會引發暗瘡，所以做完運動記得沖涼。 B) 皮膚乾燥 泳池水有氯氣，而氯氣會帶走皮膚上嘅油脂，令皮膚變得乾燥、痕癢。Dr. BK Laser專家表示游水之後一定要用洗面膏、潔面乳、沐浴露等徹底清潔身體皮膚至得！ C) 黑頭、色斑、紅印 Dr. BK Laser專家指如果係烈日當空嘅情況下做室外運動，香港空氣質素欠佳，馬路上有好多塵同污染物，而高溫加上大量出汗有機會令黑頭、紅印、皮膚粗糙等情況惡化。而熱力亦會激發黑色素，令面部色素沉澱同出現黑斑。 總而言之，想皮膚好，就要選擇適當天氣下做運動，而運動完之後一定要徹底清潔身體皮膚！徹底清潔身體皮膚！！徹底清潔身體皮膚！！！(因為好重要所以要講3次…) 資料由Dr. BK Laser提供。
