又黎到秋冬季，由於嘴唇表皮薄，好容易因為乾燥天氣而失去水分繼而脫皮。所以要保持嘴唇幼嫩，必須好好護理一下，唔想因為嘴唇甩皮流血而影響儀容，等Dr. BK Laser專家教你幾樣護唇貼士！ 1) 隨身攜帶潤唇膏 潤唇膏係護唇最基本嘅必需品，需要隨身攜帶，需要時就拎出黎用。Dr. BK Laser專家指搽唇膏、唇彩之前一定要先搽潤唇膏，因為化妝品入面嘅色素會令唇色同唇紋加深，潤唇膏可以阻隔唇膏部份色素。另外，要買含有護唇成分嘅優質唇膏，例如維他命E、蘆薈、蜂蠟等，可以有效滋潤嘴唇。 2) 睡前按摩嘴唇 秋冬季要準備一支凡士林或者含有維他命E成分嘅瓶裝潤唇膏，當做嘴唇嘅晚霜，每晚睡前搽厚厚地一層，然後按摩嘴唇直至完全吸收，可以刺激嘴唇血液循環，收緊嘴部輪廓，減少嘴紋同時預防乾燥脫皮。 3) 多喝水。 既然嘴唇好乾就梗係要補下水，唔好等到口渴先至飲水，Dr. BK Laser專家認為應該以「少喝多次」的飲法，令嘴唇每一段時間都有水滋潤，減少嘴唇「爆拆」機會。 4) 定期敷唇膜去死皮 定期幫嘴唇敷唇膜，具有補水、保濕、滋潤效果，Dr. BK Laser專家指當嘴唇甩皮個陣，敷返一片唇膜，會有明顯改善。市面上片裝唇膜可以成為重要約會、Party之前、早上起身之後嘅急救品，敷一敷就可以回復滋潤。 5) 急救：濕敷生理食鹽水 如果你有舔唇、咬唇、用手撕嘴唇上嘅皮呢D壞習慣，嘴唇就會特別容易乾裂流血，嘴唇一旦流血，搽潤唇膏或者凡士林只係可以防止水分流失，但嘴唇甩皮流血係已經受傷，所以要先濕敷生理食鹽水，再搽潤唇膏或者凡士林，咁先可以先補水再鎖水。Dr. BK Laser專家建議將生理食鹽水沾濕化妝棉，敷10-15分鐘，再敷凡士林，第二日朝早起身嘴唇就可以回復正常啦！ 資料由Dr. BK Laser提供。
