洗臉係每個人每日最基本嘅護膚程序，即使幾懶都好，每日都總會洗個臉。但原來錯誤洗臉會加速肌膚老化，Dr. BK Laser專家提提你幾樣洗臉要注意嘅事! 1) 切勿邊沖涼邊卸妝洗面。 如果臉上有化妝品，沖涼時嘅熱蒸氣會令面上毛孔擴張，化妝品同污垢就會好容易進入毛孔，令皮膚好易出粒粒或暗瘡。Dr. BK Laser專家建議沖涼前要先徹底卸妝，然後先至洗臉沖涼。 2) 切勿用花灑直接沖洗臉部。 唔少人都會係沖涼個陣開「行」個花灑，對住塊臉狂沖水，覺得咁就可以洗得乾淨啲。但其實花灑嘅高水壓好容易撐大毛孔，水嘅衝力亦會令到臉部肌肉鬆弛。如果想沖涼時洗臉，Dr. BK Laser專家建議只可以用手接住花灑水來洗面，當然最好嘅方法係用柔軟毛巾以輕壓式洗面。 3) 早上洗面同樣需要用潔膚品。 皮膚到夜晚都會有油脂分泌，根據科學原理，水同油係不能融和，所以想只用清水洗走臉上的油脂係唔可能嘅。Dr. BK Laser專家建議早上可以用潔淨力較溫和嘅潔膚品，以幼細的泡沫帶走油脂，再用清水洗乾淨。 4) 別以為熱水洗臉能徹底清除油脂污垢。 臉部皮膚敏感而且柔嫩脆弱，唔能夠好似洗碗碟咁，以熱水去油。溫度過高嘅水會令皮膚毛孔擴大，皮脂同保濕因子亦會因此而流失，令皮膚變得粗糙，亦會產生皺紋，加速皮膚老化。 5) 別以為用凍水洗臉可以幫助收細毛孔。 冷縮熱脹可以令毛孔收縮？其實一D醫學根據都冇。相反，滿頭大汗或者運動後，如果立即用凍水洗臉，由於此時臉部皮膚溫度相對較高，忽然受到刺激會引起面部皮膚毛孔收縮，以至毛孔中嘅油污、汗液不能得到及時清洗。Dr. BK Laser專家指咁樣做嘅後果係肌膚毛孔被污垢堵塞而擴大，油性皮膚更易生暗瘡同粉刺。所以無論幾時都係用溫水洗臉最適宜。 資料由Dr. BK Laser提供。
