好多人都知睡眠對美容或者皮膚有好大影響，但又有幾多人真係會嘗試改變生活習慣，令自己可以訓得好D，令第二朝起身個靚D? Dr. BK Laser專家醒你7個tips，等你可以訓返一個「美容覺」！ 1) 避免睡前喝令人精神的飲品 晚上要避免飲含糖分、咖啡因嘅飲品，例如可樂、果汁、酒或者運動飲品，因為佢地除左會令人變精神，導致難以入睡，亦係令肌膚水份流失嘅元兇！如果係聚會或者應酬個陣真係飲多左，可以試下將梳打水同新鮮青檸或椰子水混合飲用，有助分解酒精中嘅脫水物質。 2) 睡前以水果來補充水份 唔單止飲含糖分或咖啡因嘅飲品會令人訓唔著，相信大家都試過夜晚飲太多水，搞到成晚去廁所，嚴重影響睡眠。Dr. BK Laser專家建議夜晚可以食生果來代替飲水補充水份，蔬果中的水分會慢慢釋放出來，既可間接為肌膚補水，又唔會影響睡眠，一舉兩得！ 3) 睡前卸妝 卸左妝先好訓覺是常識吧！即使你真係好好好攰，你都要徹底落左妝先至好訓，絕對唔可以偷懶，否則第日早上毛孔堵塞、雙眼浮腫、枕頭上殘留化妝品等，一定會好後悔。 4) 睡前補濕護膚 肌膚會在睡眠時間自我修復，塗抹的護膚品也會更吸收。晚上入睡前先塗上睡眠面膜，隔日起床時肌膚自然有健康又充滿光澤。 5) 勤換枕頭套 枕頭套好容易積聚細菌，例如皮脂、殘留保養品、塵埃等等，所以建議最少一星期換一次。 6) 睡覺時平卧代替側睡 側睡嘅時候，下方臉頰同下巴部位皮膚會因為重力集中而產生皺紋，日日都係咁，就可能會有大細面同皺紋。Dr. BK Laser專家指最簡單嘅預防方法係平臥式訓覺，避免將臉伏在枕頭上或側臥，以防產生皺紋。 7) 睡前停用手機 好多人臨訓前都會玩手機，但係呢個壞習慣一定要戒，Dr. BK Laser專家指出手機發出嘅藍光會令雙眼疲勞，訓係到用手機時姿勢不當更加會帶來皺眉、雙下巴等皮膚問題，最重要嘅係，藍光會令身體釋放出令人保持精神的荷爾蒙，結果只會更難入睡，所以訓唔著都要忍住唔好玩手機呀！ 資料由Dr. BK Laser提供。
