「腦細」係一種鍾意問問題嘅生物,包括閒聊同工作上嘅問題,除咗要令你意識到佢嘅存在,另一方面就係考驗你知唔知自己做緊咩,打工仔如果對答得好,就可以喺腦細心目中留個好印象,分分鐘升職加薪都有份。即刻睇下有咩skills啦~ 陷阱問題1: 「你最近還好嗎?」腦細潛台詞︰可能意味住腦細覺得你最近工作表現下降 拆解方法︰唔好只係答︰「I am fine, thank you」,呢種問題屬於唔具體,又同工作冇直接關係嘅「軟話題」,好好利用嘅話,可能係一個同腦細加深關係嘅好機會,你可以趁機喺佢面前表現出你想突顯嘅形象。要留意嘅係,唔好天真咁認為腦細咁問就一定係想同你做friend,可以盡訴心中情,因為有機會腦細係覺得你最近工作表現下降,所以先「關心」下你。 相關文章︰【視像面試4大貼士💻】搵Full-time/Part-time︰【職極 GigGik】 陷阱問題2: 「最近工作忙唔忙?」腦細潛台詞︰好大機會腦細係想比嘢你做 拆解方法︰腦細問得呢個問題,十成九都係有嘢想比你做,唔係真係想知你忙唔忙。忙或者得閒都好,都唔好就咁答完就算,呢個時候可以禮貌咁交代下自己有咩跟緊,至少打個底先。如果真係好忙嘅話,腦細都唔好意思chur你;而如果平時workload唔重嘅,都可以交代下自己日常嘅工作流程,等腦細唔會覺得你太遊手好閒。如果想喺腦細面前留低好印象嘅,就不妨主動問下腦細有冇咩可以幫到手啦。 陷阱問題3: 「份report聽日可唔可以交到?」腦細潛台詞︰腦細想test下你工作效率或者份report真係好急 拆解方法︰腦細講得呢句,代表份report真係好急,或者係想test下你嘅工作效率。老闆最唔鍾意聽到人地同佢「say no!」,做到嘅話就儘量交啦,但如果你真係要多啲時間嘅,不妨講下自己手頭上有咩task,再問下腦細要點安排啦。 ⚠️注意︰以上方法只供參考,有咩後果小編恕不負責~ 相關文章︰【人人都啱做Slash族?投身必知五大注意事項!】搵Full-time/Part-time︰【職極 GigGik】