疫情底下，online interview越來越普及。好多公司都係以視像面試同求職者面試，甄別人才。咁視像面試時，又有啲咩地方要注意嘅呢？ 1. 確保軟件運作正常 視像面試最重要係確保所有運作正常，例如cam，喇叭、音效等，同埋最重要要確保網絡穩定，如果唔係hang咗機，就會好尷尬，你都唔想喺對方心入面留低壞印象。 2. 提前5-10分鐘入meeting room視像面試時，幾時都係你等人，好過人地等你！要提前5-10分鐘入meeting room，一方面可以俾人睇到你嘅誠意，另一方面可以俾對方知道你係自律嘅人，話唔定會加分呢！ 3. 眼睛角度視像面試時，大部分求職者都忽略咗eye-contact，只係照住稿讀。正確做法應該係眼睛要直視鏡頭，同面試官有eye-contact。強烈建議千萬唔好「高炒」或「低炒」自己，如果唔係就會造成奇怪嘅觀感。 4. 背景要簡潔呢一點大部分求職者喺視像面試時最容易忽略。最好揀個純色嘅牆或者模糊背景，切忌唔好有太多花巧嘅背景。如果唔係會好容易令面試官分心。
