求職者見工前都會準備好如何應對顧主嘅提問，無論準備有幾充足都好，多數人都會緊張，精神較為崩緊，講嘢自然小心謹慎，盡量將最好一面表現出嚟。 當對方笑笑口話「我哋隨便傾下偈得啦」，聽到對方咁講，以為好likes，當下心情輕鬆咗好多。 開場白講吓天氣、交通.....循例都係叫你介紹吓自己，再問一啲例牌問題，對你嘅回覆表現出好認同咁，全程對話真係好似閒話家常，慢慢你就會放低戒心，越講越多，忘記咗「言多必失」！正所謂講多錯多，特別係對於性格直率嘅人，好容易就將心底話掏出嚟：舊同事或主管相處問題、舊老板或公司文化等等都如數家珍。 相關文章：【設計恩物】立即 [免費下載] 吸睛字體職位推介： Project Engineer 唔係話率直唔好，必須提醒求職人士，特別係職場新鮮人，職場係必須「慎言」，說話更要注重「包裝」技巧，無論係對老板、主管或同事，重點係要懂得「適當時間講適當說話」，當你尚未獲得職位時此點更為重要。 僱主營造嘅友善環境只係一個包裝，係你唔為意時挖出你內心深處嘅秘密，最終你唔會獲得offer，只因你講得太多。 如果遇到以上情況，對於無關工作內容嘅問題，例如家庭、興趣、國家大事、社會現狀......等等，回答只需要一句起兩句止，要將話題拉回應徵職位上，化被動為主動。 相關文章：【後製新手】 你一定要知嘅四大免費剪片軟件
