上次同大家分享咗三款唔同整法嘅反傳統燕麥碗，唔少朋友仔試咗之後，當中最受歡迎嘅係燕麥蛋糕，今日就繼續同大家分享三款唔同口味嘅燕麥蛋糕，總有一款你鍾意！今次分享嘅燕麥蛋糕食譜會用到焗爐，焗嘅時間同埋溫度都係一樣160度焗15分鐘。呢一個方法焗出嚟嘅蛋糕會做到一個中間流心嘅效果！如果你鍾意食偏向蛋糕體多啲嘅可以焗多3至4分鐘，一樣咁好食！ 1.香蕉朱古力燕麥蛋糕 相信好多人本身都鍾意香蕉朱古力呢個配搭，香蕉加朱古力我第一時間會諗起buffet嘅朱古力塔。依家唔使去食buffet喺屋企就可以整到啦，而且零罪惡感營養滿分！ 材料Pescience 棒棒蛋糕蛋白粉 25g燕麥 40g水 70ml0%乳酪40g香蕉半條泡打粉 2g研磨亞麻籽 5g烘焙用黑朱古力粒 適量 做法先預熱焗爐到160度。先把燕麥用攪拌機攪拌成粉狀。另外把香蕉壓成蓉再加入乳酪、水、研磨亞麻籽、泡打粉、蛋白粉和預先磨成粉的燕麥粉均勻攪拌。在蛋糕糊上放上切片香蕉和烘焙用黑朱古力粒。放入焗爐160度焗15分鐘。 營養成份371卡路里, 50g 碳水化合物, 30g 蛋白質, 9g 脂肪。 相關文章：轉工？千祈唔好轉去朋友間公司做！ 與朋友同公司的3大壞處職位推介 : 創意創業會 - 秘書及活動助理 2.摩卡流心朱古力燕麥蛋糕 香濃嘅咖啡味加上流心朱古力，諗起都覺得好幸福啊！我自己好鍾意食朱古力醬，同大家推薦一下今次我用嘅朱古力醬係Hershey’s出嘅無糖朱古力醬。呢款朱古力醬比較稀但勝在朱古力味濃，每15g只係有5卡路里！好多網店都有代購大家見到不妨可以買嚟試吓！ 材料Pescience 棒棒蛋糕蛋白粉 20g燕麥 45g0%乳酪 40g雞蛋 一隻即磨咖啡粉 4g研磨亞麻籽 3g泡打粉 1.5g 做法先預熱焗爐到160度。先把燕麥用攪拌機攪拌成粉狀。另外把雞蛋發勻再加入乳酪、水、即磨咖啡粉、研磨亞麻籽、泡打粉、蛋白粉和預先磨成粉的燕麥粉均勻攪拌。先把三分之二嘅蛋糕糊倒入焗盤中，然後在中心到進適量的無糖朱古力醬，再將剩餘嘅蛋糕糊倒在朱古力醬上。在蛋糕糊上放上烘焙用黑朱古力粒。放入焗爐160度焗15分鐘。 營養成份391卡路里, 42g 碳水化合物, 33g 蛋白質, 14g 脂肪。 相關文章：【打工技巧-AI篇】霓虹燈字體效果職位推介 : 時昌迷你倉 - 迷你倉客戶服務主任 (兼職) 3.紅桑子流心果醬燕麥蛋糕 一般市面上買嘅果醬都會有好多添加糖，今次同大家分享一個自製無負擔果醬嘅方法！先將冷凍紅桑子放入微波爐中加熱45秒，然後加入適量奇亞子攪拌，放入雪櫃1小時或者一個晚上便完成。加入奇亞子可以省卻加熱果醬同埋加糖嘅效果，奇亞子本身遇水後會發脹增加黏性，可以模仿果醬嘅質感，豐富嘅纖維仲可以增加飽腹感！ 材料Pescience 棒棒蛋糕蛋白粉 20g燕麥 45g水 70ml0%乳酪40g雞蛋 一隻紅桑子奇亞子果醬泡打粉 1.5g 做法先預熱焗爐到160度。先把燕麥用攪拌機攪拌成粉狀。另外把雞蛋發勻再加入乳酪、水、泡打粉、蛋白粉和預先磨成粉的燕麥粉均勻攪拌。先把三分之二嘅蛋糕糊倒入焗盤中，然後在中心到紅桑子奇亞子果醬，再將剩餘嘅蛋糕糊倒在紅桑子奇亞子果醬上。在蛋糕糊上放上你喜歡的生果以及烘焙用黑朱古力粒。放入焗爐160度焗15分鐘。 營養成份385卡路里, 44g 碳水化合物, 32g 蛋白質, 13g 脂肪。
