同大家分享過好多唔同口味嘅燕麥碗，相信大家都可以見到我係一個燕麥碗狂熱粉！除咗係因為佢可以有唔同口味日日食都唔厭之外，燕麥碗嘅煮法變化多端，唔同嘅整法就好似極整緊一個唔同嘅早餐咁，今次就同大家分享三種反傳統燕麥碗嘅做法！今次分享嘅燕麥碗食譜分別會用到氣炸鍋、微波爐以及焗爐，總有一款啱你！ 1.隔夜花生芝麻冷凍燕麥碗 有好多朋友都話朝頭早唔夠時間整早餐，咁不如前一晚整定聽朝就有得食！呢一款燕麥碗就用左之前同大家介紹用過嘅微波爐方法整，做法一樣只不過係雪藏一晚，會有完全唔同嘅口感！呢個食譜仲用咗奇亞籽，奇亞籽含有豐富的膳食纖維仲有高植物性Omega 3有助降低壞膽固醇。遇上液體之後奇亞籽亦會發脹，有更大嘅飽足感！ 材料pescience蛋糕棒口味 25g燕麥 40g奇亞籽 10g花生醬 芝麻醬 10g 做法1. 將燕麥, 奇亞籽和加入250ml水放在大碗中，用微波爐加熱2分鐘。2. 加熱後拿出來輕輕攪拌再放進微波爐中加熱1分鐘3. 重複以上步驟再加熱多1分鐘，前後總共加熱三次。4. 完成後加入蛋白粉攪拌，在面頭倒上花生醬以及芝麻醬。5. 放入雪櫃冷藏一晚便完成！ 營養成份326卡路里, 38g 碳水化合物, 29g 蛋白質, 10g 脂肪。 相關文章：【HR心聲】video interview的用後真實感想 2.氣炸朱古力燕麥蛋糕 相信依家好多人屋企都會有一部氣炸鍋，我自己都好鍾意用，貪方便呀嘛！有日就諗住試吓用氣炸鍋整燕麥，估唔到又幾好食！有好當然要益大家啦，加埋預備材料前後15分鐘都唔洗就食得！ 材料heal nutrition海鹽朱古力蛋白粉 20g燕麥 40g香蕉一條蛋 一隻研磨亞麻籽 5g泡打粉 2g 做法1. 先將香蕉壓成蓉。2. 把燕麥、蛋白粉、研磨亞麻籽和泡打粉輕輕拌在一起。3. 把乾材料和濕材料全部攪拌均勻。4. 放進氣炸鍋以160度氣炸10至13分鐘。5. 完成後你可以隨意加入你喜歡的生果以及任何醬料！ 營養成份380卡路里, 46g 碳水化合物, 27g 蛋白質, 13g 脂肪。 相關文章：轉工？千祈唔好轉去朋友間公司做！ 與朋友同公司的3大壞處 3.雙重咖啡烤燕麥碗 有咩好得過係星期日休閒嘅早上，一邊嘆住杯咖啡一邊享受一份尤如午後甜品般嘅早餐。今次同大家介紹呢個焗出嚟係會有少少流心嘅效果，如果鍾意全熟既你，可以將呢個食譜焗多5至10分鐘！將所有材料攪拌好放入微波爐，沖個涼敷個面膜出嚟就食得。 材料heal nutrition海鹽朱古力蛋白粉 25g燕麥 40g0%乳酪40g香蕉半條泡打粉 2g研磨亞麻籽 5g咖啡豆餅乾 4 做法1.先預熱焗爐到160度。2.先把燕麥、咖啡豆餅乾兩塊用攪拌機攪拌成粉狀。3. 另外把香蕉壓成蓉再加入乳酪、研磨亞麻籽、泡打粉和預先磨成粉的燕麥粉均勻的攪拌。4. 放入焗爐160度焗15分鐘。 營養成份362卡路里, 48g 碳水化合物, 29g 蛋白質, 10g 脂肪。 相關文章：【職極健康系列】懶人之選 免明火營養甜品燕麥粥相關文章：【職場熱話】日本出招向港人才招手 解除港人入境禁令 想收到最新職位資訊？立即Whatsapp職職啦！仲可以立即加入職極GigGik揾工快線！！
