今日同大家分享點樣用5分鐘就可以製作呢三款我私心推介嘅燕麥碗，唔洗開火淨係用微波爐已經可以整到用明火煮嘅口感，方便快捷又好味。遲咗起身無時間整早餐？趕時間好肚餓但又唔得閒開火？咁今次分享呢個方法一定啱晒你，快啲睇吓點整啦！ 小貼士：唔知大家平時會唔會有食唔晒嘅生果擺到爛嘅煩惱？相信自己一個住既你一定會心同感受。我自己就好鍾意自製急凍生果，將買完返嚟新鮮嘅生果洗乾淨然後放落冰格。口痕嗰陣可以當甜品咁食，一來無食雪糕咁邪惡，二來又可以用嚟整今日同大家介紹新款凌亂燕麥碗，佢哋可能冇養眼嘅擺盤，但係我保證大家口感味道依然係咁好。 1. 藍莓花生朱古力燕麥碗 亞麻籽為新興起的超級食物，含有豐富的膳食纖維、不飽和脂肪酸、木酚素及酚類化合物等，有助體重控制以及有益血脂調節。除咗以上好處外，加入亞麻籽在燕麥碗中更加可以增強飽腹感。 材料heal nutrition純素雲呢拿杏仁蛋白粉 30g燕麥 40g研磨亞麻籽 5g急凍藍莓 80g85%黑朱古力 10g花生醬 10g 做法1. 將燕麥，研磨亞麻籽和急凍藍莓加入250ml水放在大碗中，微波爐加熱2分鐘。2. 加熱後拿出來輕輕攪拌再放進微波爐中加熱1分鐘。3. 重複以上步驟再加熱多1分鐘，前後總共加熱三次。4. 完成後加入蛋白粉攪拌，再放上藍莓，花生醬以及黑朱古力。 營養成份426卡路里, 43g 碳水化合物, 23g 蛋白質, 22g 脂肪。 相關文章：【職場熱話】空姐空少落地三大熱門工種 2.雲呢拿覆盆子燕麥碗 可可粉大家應該聽得多，唔知你有無聽過可可豆呢？可可豆含有維他命P有非常高的抗氧化作用，亦有排毒效果，最緊要係加入燕麥碗中會增添可可口味，排毒美顏口味兼備十分推介大家！ 材料heal nutrition純素雲呢拿杏仁蛋白粉 30g燕麥 40g85%黑朱古力10g0%乳酪20g急凍覆盆子50g可可豆 適量 做法1. 先將急凍覆盆子微波1分鐘備用。2. 將燕麥加入220ml水放在大碗中，微波爐加熱2分鐘。3. 加熱後拿出來輕輕攪拌再放進微波爐中加熱1分鐘。4. 重複以上步驟再加熱多1分鐘，前後總共加熱三次。5. 完成後加入蛋白粉攪拌，再放上覆盆子和藍莓，乳酪，可可豆以及黑朱古力。 營養成份346卡路里, 38g 碳水化合物, 21g 蛋白質, 16g 脂肪。 相關文章：【HR心聲】面試不被取錄? 注意避免「萬能KEY」對答 3.黑芝麻雜莓燕麥碗 當然唔少得我最鍾意嘅黑芝麻口味啦，之前同大家介紹過黑芝麻有好多好處！除咗有助補鈣排毒之外，其實黑芝麻亦都可以潤膚，令皮膚保持光澤紅潤。近排天氣開始有啲轉涼，大家都不妨食多啲黑芝麻咁就唔驚皮膚乾加速老化啦！ 材料heal nutrition竹炭黑芝麻蛋白粉 30g燕麥 40g黑芝麻醬 10g0%乳酪20g急凍雜莓 80g可可豆 適量 做法1.將燕麥和黑芝麻醬加入220ml水放在大碗中，微波爐加熱2分鐘。2.加熱後拿出來輕輕攪拌再放進微波爐中加熱1分鐘。3.重複以上步驟再加熱多1分鐘，前後總共加熱三次。4.完成後加入蛋白粉攪拌，再放上急凍雜莓，乳酪以及可可豆。 營養成份376卡路里, 44g 碳水化合物, 20g 蛋白質, 17g 脂肪。 下星期將會為大家介紹另外三款營養早餐，大家記得留意住啦！ 相關文章：【生活熱話】連登第一/二屆名畫命名大賽 之原著知多點相關文章：【職業規劃】你必須要知道職業生涯的3個主要階段! 想收到最新職位資訊？立即Whatsapp職職啦！仲可以立即加入職極GigGik揾工快線！！
